केसांना दही कसे लावावं? आपल्या केसांनुसार तयार करू शकता घरगुती हेअर पॅक

लांबसडक, काळेशार आणि घनदाट केस कोणाला आवडणार नाहीत. सुंदर - लांबसडक केसांमुळे आपल्या सौंदर्यामध्ये अधिक भर पडते. पण आपली जीवनशैली आणि खाण्यापिण्याच्या सवयींमुळेही केसांच्या आरोग्यावर दुष्परिणाम होतात. यासोबतच बदलत्या हवामानामुळे केसांशी संबंधित समस्या उद्भवतात. काही जण केसगळती, केस तुटणे तर काही कमी वयातच केस पांढरे होणे, टक्कल पडणे अशा समस्येमुळे त्रस्त असतात. यावर उपाय म्हणून महागड्या स्वरुपातील केमिकल ट्रीटमेंट केल्या जातात. पण यामुळे केस चांगले होण्याऐवजी ते अधिक खराब होतात, हे लक्षात घ्यावे. केसांसाठी तुम्ही नैसर्गिक तसंच घरगुती उपाय करू शकता. या सामग्री तुमच्या स्वयंपाकघरामध्ये सहजरित्या आढळतात. यापैकीच एक चांगला उपाय म्हणजे दही. दह्याच्या सेवनामुळे आपल्याला आरोग्यवर्धक तसंच सौंदर्यवर्धक लाभ मिळतात. हेच दही केसांसाठीही वरदान आहे. यामध्ये मोठ्या प्रमाणात कॅल्शियम, प्रोटीन, व्हिटॅमिन, लॅक्टोज आणि लोह हे घटक असतात. दह्यापासून हेअर पॅक कसे तयार करायचे, जाणून घेऊया याबाबतची सविस्तर माहिती.

आपल्या केसांना पोषण तत्त्वांचा पुरवठा करायचा असेल तर तुम्ही दह्याची मदत घेऊ शकता. कारण दह्यामधील अँटी फंगल गुणधर्म आपल्या केसांसाठी लाभदायक आहे. दह्यापासून तयार करण्यात येणाऱ्या काही हेअर पॅकची माहिती आपण जाणून घेऊया.

लांबसडक, काळेशार आणि घनदाट केस कोणाला आवडणार नाहीत. सुंदर - लांबसडक केसांमुळे आपल्या सौंदर्यामध्ये अधिक भर पडते. पण आपली जीवनशैली आणि खाण्यापिण्याच्या सवयींमुळेही केसांच्या आरोग्यावर दुष्परिणाम होतात. यासोबतच बदलत्या हवामानामुळे केसांशी संबंधित समस्या उद्भवतात. काही जण केसगळती, केस तुटणे तर काही कमी वयातच केस पांढरे होणे, टक्कल पडणे अशा समस्येमुळे त्रस्त असतात. यावर उपाय म्हणून महागड्या स्वरुपातील केमिकल ट्रीटमेंट केल्या जातात.

पण यामुळे केस चांगले होण्याऐवजी ते अधिक खराब होतात, हे लक्षात घ्यावे. केसांसाठी तुम्ही नैसर्गिक तसंच घरगुती उपाय करू शकता. या सामग्री तुमच्या स्वयंपाकघरामध्ये सहजरित्या आढळतात. यापैकीच एक चांगला उपाय म्हणजे दही. दह्याच्या सेवनामुळे आपल्याला आरोग्यवर्धक तसंच सौंदर्यवर्धक लाभ मिळतात. हेच दही केसांसाठीही वरदान आहे. यामध्ये मोठ्या प्रमाणात कॅल्शियम, प्रोटीन, व्हिटॅमिन, लॅक्टोज आणि लोह हे घटक असतात. दह्यापासून हेअर पॅक कसे तयार करायचे, जाणून घेऊया याबाबतची सविस्तर माहिती.

​लिंबू रस आणि दही

दही आणि लिंबू रस एकत्र करून केसांना लावल्यास हा उपाय लाभदायक ठरू शकतो. लिंबूमध्ये व्हिटॅमिन ए असते, हे जीवनसत्त्व केसगळती रोखण्यास मदत करते. याव्यतिरिक्त लिंबूतील पोषक घटकांमुळे केसांवर नैसर्गिक चमक येते. केसांमधील कोंडा देखील दूर होतो. दही आणि लिंबू एकत्र करून केसांना लावल्यास दुप्पट लाभ मिळतात. यासाठी दोन मोठे चमचे लिंबू रस, एक वाटी दह्यामध्ये नारळाच्या तेलाचे दोन ते चार थेंब टाका. सर्व सामग्री चांगल्या पद्धतीने एकत्र करा. पेस्ट तयार झाल्यानंतर २० मिनिटांसाठी केसांवर लावून ठेवा. थोड्या वेळाने हर्बल शॅम्पूने केस स्वच्छ धुऊन घ्या. आठवड्यातून दोनदा हा उपाय करू शकता.

(

Natural Hair Oil केसांसाठी घरामध्ये कसे तयार करायचे कोरफडीचे तेल

)

​दही आणि अंड

अंड्यामध्ये भरपूर प्रमाणात प्रोटीन असते. एका संशोधनातील माहितीनुसार, दही आणि अंड्याचे मिश्रण हेअर मास्कच्या स्वरुपात वापरण्याचा सल्ला देखील देण्यात आला आहे. हेअर पॅकसाठी एका वाटीमध्ये दही आणि कच्चे अंड एकत्र घ्या. दोन्ही सामग्री चांगल्या पद्धतीने एकजीव करून घ्यावी. यानंतर हे मिश्रण मुळांसह संपूर्ण केसांना लावा. जवळपास १० मिनिटांसाठी पेस्ट केसांना लावून ठेवा. यानंतर थंड पाण्याने आपले केस स्वच्छ धुऊन घ्या. हर्बल शॅम्पूचा वापर करावा. आठवड्यताून दोनदा हा उपाय करू शकता.

(

Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं

)

​केळ आणि दही

केळ आणि दह्यातील पोषक घटक आपल्या टाळूची त्वचा हायड्रेट ठेवण्याचे कार्य करते. शिवाय या हेअर पॅकमुळे केसांना भरपूर प्रमाणात पोषण तत्त्वांचा पुरवठा देखील होतो. एका वाटीमध्ये एक चमचा दही, पिकलेले अर्धे केळ, तीन चमचे मध आणि एक चमचा लिंबू एकत्र घ्या. सर्व सामग्री एकत्र करा. ही पेस्ट मुळांसह संपूर्ण केसांना लावा. २० मिनिटांनंतर थंड पाण्याने केस स्वच्छ धुऊन घ्या. केस मजबूत राहण्यासाठी आठवड्यातून दोन वेळा हा उपाय करावा.

(

Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का

)

​दही आणि मुलतानी माती

मुलतानी माती डिटॉक्सिफिकेशन प्रक्रियेत मदत करण्यासह आपल्या टाळूची त्वचा देखील स्वच्छ करण्याचे कार्य करते. ज्यामुळे केसगळती रोखण्यास मदत मिळते. हेअर पॅक तयार करण्यासाठी चार ते पाच चमचे मुलतानी माती, एक चमचा काळी मिरी पावडर, दोन चमचे दही एकत्र करा. पेस्ट तयार करून आपल्या टाळूवर लावा. अर्ध्या तासानंतर हर्बल शॅम्पूने आपले केस स्वच्छ धुऊन घ्या.

(

Natural Hair Care केसांना चांगला रंग येण्यासाठी मेंदीमध्ये काय मिक्स करावे?

)

​कोरफड आणि दही

कोरफडमध्ये अमिनो अ‍ॅसिड आणि प्रोटीनची मात्रा प्रचंड असते. हेअर पॅक तयार करण्यासाठी एका वाटीमध्ये दोन चमचे दही, तीन चमचे कोरफड जेल, दोन चमचे ऑलिव्ह ऑइल आणि एक चमचा मध एकत्र घ्या. सर्व सामग्री मिक्स करून जाडसर पेस्ट तयार करा. हे मिश्रण १५ मिनिटांसाठी आपल्या केसांवर लावा. लेप सुकल्यानंतर थंड पाण्याने केस स्वच्छ धुऊन घ्या. केसांची चांगली वाढ होण्यासाठी आठवड्यातून दोनदा हा उपाय करू शकता.

(Hair Care Tips मुळ्यापासून कसे तयार करायचे घरगुती हेअर पॅक?)

NOTE केसांशी संबंधित समस्यावर कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा. कारण प्रत्येकाच्या केसांचा पोत आणि प्रकार वेगवेगळा असतो.

from Lifestyle Tips in Marathi, Tips for Healthy Lifestyle in Marathi, Health Tips & Latest Fashion Trend - जीवनशैली टिप्स, निरोगी जीवनशैली टिप्स, सौंदर्य टिप्स, लाइफस्टाइल टिप्स https://ift.tt/3cQcjKs