केसांची देखभाल करताना चुकूनही वापरू नका या ५ गोष्टी

सुंदर, घनदाट केसांमुळे आपल्या सौंदर्यामध्ये भर पडते. केस मजबूत, काळेशार आणि जाड व्हावेत, यासाठी बहुतांश जण कित्येक प्रकारच्या हेअर केअर प्रोडक्टचा वापर करतात. परंतु या उत्पादनांमध्ये वापरल्या जाणार्‍या घटकांवर डोळे बंद करून विश्वास ठेवल्यास केस खराब होऊ शकतात.बाजारामध्ये विविध प्रकारचे केमिकलयुक्त हेअर प्रोडक्ट उपलब्ध आहेत. काही जण आकर्षक पॅकिंग पाहून प्रोडक्ट खरेदी करतात. संबंधित प्रोडक्टमधील घटक केसांच्या आरोग्यासाठी योग्य आहेत की नाहीत? याची माहिती असणं अत्यंत गरजेचं आहे. कारण यातील रसायनांमुळे तुमचे केस खराब होऊ शकतात. याबाबत तज्ज्ञांचा सल्ला घेतल्यास उत्तम. हेअर केअर प्रोडक्टमध्ये कोणकोणत्या हानिकारक रसायनांचा समावेश असतो? हे तुम्हाला माहीत आहे का. या लेखाद्वारे जाणून घ्या काही महत्त्वाच्या गोष्टी. (Natural Hair Care केसगळतीमुळे त्रस्त आहात का? जाणून घ्या हा नैसर्गिक उपाय)

केसांचे आरोग्य निरोगी राहण्यासाठी शॅम्पू आणि कंडिशनर वापरणं गरजेचं आहे. केसांचे नुकसान टाळायचे असेल तर अशा प्रोडक्टचा वापर करण्यापूर्वी त्यातील सामग्री लक्षपूर्वक वाचणं देखील आवश्यक आहे.

सुंदर, घनदाट केसांमुळे आपल्या सौंदर्यामध्ये भर पडते. केस मजबूत, काळेशार आणि जाड व्हावेत, यासाठी बहुतांश जण कित्येक प्रकारच्या हेअर केअर प्रोडक्टचा वापर करतात. परंतु या उत्पादनांमध्ये वापरल्या जाणार्‍या घटकांवर डोळे बंद करून विश्वास ठेवल्यास केस खराब होऊ शकतात.

बाजारामध्ये विविध प्रकारचे केमिकलयुक्त हेअर प्रोडक्ट उपलब्ध आहेत. काही जण आकर्षक पॅकिंग पाहून प्रोडक्ट खरेदी करतात. संबंधित प्रोडक्टमधील घटक केसांच्या आरोग्यासाठी योग्य आहेत की नाहीत? याची माहिती असणं अत्यंत गरजेचं आहे. कारण यातील रसायनांमुळे तुमचे केस खराब होऊ शकतात. याबाबत तज्ज्ञांचा सल्ला घेतल्यास उत्तम. हेअर केअर प्रोडक्टमध्ये कोणकोणत्या हानिकारक रसायनांचा समावेश असतो? हे तुम्हाला माहीत आहे का. या लेखाद्वारे जाणून घ्या काही महत्त्वाच्या गोष्टी.

(

Natural Hair Care केसगळतीमुळे त्रस्त आहात का? जाणून घ्या हा नैसर्गिक उपाय

)

​आयसोप्रोपेनॉल अ‍ॅल्कोहोल

केसांसाठी वापरण्यात येणाऱ्या बहुतांश ड्राय आणि सेटिंग स्प्रेमध्ये आयसोप्रोपेनॉल अ‍ॅल्कोहोलचा समावेश असतो. या प्रोडक्टच्या अतिवापरामुळे केसांमधील ओलावा आणि नैसर्गिक तेलावर वाईट परिणाम होतात. यामुळे केस कोरडे होण्याची शक्यता असते.

(

Natural Hair Care केसांसाठी घरच्या घरी कसे तयार करायचे नॅचरल डाय, जाणून घ्या सोपी पद्धत

)

​सिंथेटिक / आर्टिफिशियल कलर

आपल्याकडे हेअर कलर ट्रीटमेंट करणाऱ्यांची संख्या मोठी आहे. पण या ट्रीटमेंटसाठी हेअर डायमध्ये मोठ्या प्रमाणात कृत्रिम रंग आणि सिंथेटिकचा वापर केला जातो. मोठ्यातील मोठ्या कंपनीच्या हेअर कलर प्रोडक्ट तसंच डायमध्येही हानिकारक रसायनांचा समावेश असतोच. ज्यामुळे केसांचे प्रचंड नुकसान होते.

(

Natural Hair Care केसगळतीमुळे त्रस्त आहात का? अंड्यापासून कसे तयार करायचे घरगुती हेअर पॅक

)

​पॅराबेन्स

बहुतांश हेअर केअर प्रोडक्टमध्ये पॅरोबेन्सचा उपयोग केला जातो. केस निरोगी ठेवायचे असतील तर हा घटक केसांपासून दूर ठेवणे आवश्यक आहे. रिपोर्टमधील माहितीनुसार वेगवेगळ्या नावांनी हा घटक ओळखला जातो. जर तुम्ही वापरत असलेल्या शॅम्पूमध्ये ब्युटिलपॅराबेन किंवा एथिलपॅराबेन यासारख्या सामग्रींचा समावेश असेल तर प्रोडक्ट विकत घेण्यापूर्वी नक्की विचार करावा. शक्यतो असे प्रोडक्ट वापरणं टाळावे.

(

Natural Hair Care केसांची काळजी घेण्यासाठी नैसर्गिक उपाय करता का? जाणून घ्या ही माहिती

)

​सल्फेट

आपल्या हेअर प्रोडक्टमध्ये एकापेक्षा अधिक प्रकारचे सल्फेट उपलब्ध असू शकतात. केसांमधील तेल आणि दुर्गंध काढण्यासाठी सल्‍फेटमुळे मदत मिळते. पण केसांच्या आरोग्यावर यामुळे दुष्परिणाम होऊ शकतात. सल्फेटमुळे केसांमधील नैसर्गिक तेल नाहीसे होऊन कोरड्या केसांची समस्या निर्माण होऊ शकते.

(

केस कोरडे झाले आहेत का? आपल्या केसांनुसार तयार करू शकता घरगुती दही हेअर पॅक

)

​सिलिकॉन

बहुतांश कंडिशनर आणि हेअर केअर प्रोडक्टमध्ये सिलिकॉन हे रसायन आढळते. यामुळे केसांमधील नैसर्गिक ओलावा कमी होतो. अतिवापरामुळे केस निर्जीव आणि निस्तेज दिसू लागतात. केसांमधील नैसर्गिक मॉइश्चराइझर कमी होते. ज्यामुळे केस कोरडे होऊ लागतात. हे रसायन केसांमध्ये जमा होऊन राहते. हेअर वॉशनंतरही केसांमधून हे रसायन काढणं थोडे कठीण असते.

(

Natural Hair Care मेथी व सुकलेल्या आवळ्यापासून तयार केलेलं पाणी केसांसाठी कसे वापरावे?

)

​केसांसाठी तीन नैसर्गिक उपाय

केळ:

टाळू आणि केस निरोगी ठेवण्यासाठी केळ्याचं हेअर मास्क लाभदायक आहे. केळ व नारळाचे तेल एकत्र घेऊन मास्क तयार करा आणि केसांना लावा. या हेअर मास्कमुळे कोंडा कमी होण्यास मदत मिळते. सोबतच केसांवर नैसर्गिक चमक येते.

दही:

कोरफड आणि दही हेअर मास्कच्या वापरामुळे केस चमकदार आणि मऊ होतात.

(

Hair Care Tips मुळ्यापासून कसे तयार करायचे घरगुती हेअर पॅक?

)

​अंड्याचे हेअर मास्क

प्रोटीनयुक्त अंड्याचा योग्य पद्धतीने वापर केल्यास केस चमकदार होतात. अंड्याचा पांढरा भाग आणि एरंडेल तेल एकत्र करा व केसांवर लावा. या हेअर मास्कमुळे केसांमध्ये जमा झालेली दुर्गंध, कोंडा दूर होण्यास मदत मिळते. थोड्या वेळानंतर केस हर्बल शॅम्पूने धुऊन घ्या.

(Natural Hair Care केसांना चांगला रंग येण्यासाठी मेंदीमध्ये काय मिक्स करावे?)

NOTE केसांशी संबंधित कोणत्याही तक्रारी निर्माण झाल्यास सर्वप्रथम आपल्या डॉक्टरांचा सल्ला घ्यावा. त्यांच्या मार्गदर्शनानुसार केसांवर औषधोपचार करावे.

केसांसाठी आयुर्वेदिक उपाय

from Lifestyle Tips in Marathi, Tips for Healthy Lifestyle in Marathi, Health Tips & Latest Fashion Trend - जीवनशैली टिप्स, निरोगी जीवनशैली टिप्स, सौंदर्य टिप्स, लाइफस्टाइल टिप्स https://ift.tt/2FkqKdm