अर्णब गोस्वामी विरोधात मुंबई पोलिसांची सर्वोच्च न्यायालयात याचिका

नवी दिल्ली : टीआरपी घोटाळ्यात () मुंबई पोलिसांनी () आता सर्वोच्च न्यायालयात धाव घेतलीय. आणि चॅनलचा संपादक () यांच्या याचिकेचा विरोध करत मुंबई पोलिसांनी सर्वोच्च न्यायालयात () एक याचिका दाखल केलीय. मुंबई पोलिसांनी गोस्वामी याची याचिका 'कायदे प्रक्रियेचा दुरुपयोग' असल्याचं आपल्या शपथपत्रात म्हटलंय. गोस्वामी यानं दाखल केलेली याचिका फेटाळून लावतानाच त्यावर दंड लावण्याचीही मागणीही मुंबई पोलिसांनी सर्वोच्च न्यायालयाकडे केलीय. या प्रकरणात आज सर्वोच्च न्यायालयात सुनावणी होणार आहे. या याचिकेद्वारे टीआरपी घोटाळ्याची चौकशी सीबीआयला ट्रान्सफर करण्याच्या रिपब्लिक टीव्हीच्या याचिकेचा विरोध करण्यात आलाय. गुन्हे अन्वेषण विभागाचे (CID) सहायक पोलीस आयुक्त आणि चौकशी अधिकारी शशांक सांडभोर यांच्या म्हणण्यानुसार, एजन्सीद्वारे एखाद्या गुन्ह्याच्या चौकशीत आरोपी अभिव्यक्ती स्वातंत्र्याचा मुद्दा स्वत:साठी ढाल म्हणून वापरू शकत नाही. बोलण्याच्या स्वातंत्र्यांच्या बहाण्याखाली गुन्हेगार चौकशीपासून वाचू शकत नाही. तसंच कोणत्या संस्थेनं तपास करावा आणि कोणत्या पद्धतीनं करावा याची निवड करण्याचा अधिकारही गुन्हेगाराला नसतो, असंही त्यांनी स्पष्ट केलंय. या प्रकरणाच्या चौकशीत इतर दोन चॅनलननं सहकार्य केलं परंतु, केवळ रिपब्लिक टीव्हीकडून चौकशीत अडथळे आणण्याचा प्रयत्न केला जात आहे, असंही त्यांनी म्हटलंय. वाचा : वाचा : वाचा : मुंबई पोलिसांनी आपल्या शपथपत्रात रिपब्लिक टीव्हीच्या प्रेस रिलीजचाही संदर्भ दिलाय. या प्रकरणाची चौकशी अद्याप सुरुवातीच्या टप्प्यात असताना ही चौकशी सीबीआयला सोपविली जाऊ शकत नाही, असं मुंबई पोलिसांनी म्हटलंय. तसंच यात सर्वोच्च न्यायालयाच्या एका निर्णयाचाही उल्लेख करण्यात आलाय. ज्या निर्णयात, केवळ असाधारण प्रकरणांची चौकशी सीबीआयला सोपवली जावी, ही नेहमीची प्रकरणं नसावी असंही कोर्टानं म्हटलं होतं. टीआरपी घोटाळ्यासंबंधी तपासाला वेगळं वळण देण्याचा प्रयत्न रिपब्लिक टीव्हीकडून केला जातोय. या प्रकरणात टीव्हीवर कार्यक्रम केले जात आहेत तसंच साक्षीदारांशी थेट संपर्क केला जातोय. त्यांना भीती दाखवली जातेय. अशी मीडिया ट्रायल स्वतंत्र आणि निष्पक्ष चौकशीच्या विरुद्ध आहे, असे अनेक आरोप मुंबई पोलिसांकडून रिपब्लिक टीव्ही आणि अर्णव गोस्वामीविरोधात करण्यात आलेत. वाचा : वाचा :

from India News in Marathi: Breaking News India in Marathi | Maharashtra Times https://ift.tt/3787iMg