३५ खासदारांसह राहुल गांधी हाथरसला रवाना; प्रियांका चालवतायत कार

नवी दिल्ली: काँग्रेसचे माजी अध्यक्ष हे हाथरसच्या पीडित कुटुंबाची भेट घेण्यासाठी काँग्रेसच्या खासदारांसह दिल्लीतील काँग्रेस कार्यालयातून हाथरसला रवाना झाले आहेत. काँग्रेसच्या सरचिटणीस वाड्रा या राहुल गांधी यांची कार चालवत आहेत, तर राहुल गांधी त्यांच्या बाजूच्या सीटवर बसलेले आहेत. पीडित कुटुंबाची भेट घेण्यापासून आपल्याला कोणीही रोखू शकत नाही, असे राहुल यांनी म्हटले आहे. राहुल गांधी हाथरसच्या दिशेने निघाल्यानंतर उत्तर प्रदेश पोलिसही सक्रिय झाले आहेत. प्रकरणावरून देशातील राजकीय वातावरण तापले आहे. लखनऊ ते दिल्ली आणि देशातील विविध शहरांमध्ये विरोध प्रदर्शन होऊ लागला आहे. काँग्रेस पक्ष सतत योगी सरकारवर टीकास्त्र सोडत आहे. दिल्लीहून हाथरसला जाण्यासाठी राहुल गांधी आपल्या संपूर्ण लवाजम्यासह निघालेले आहेत. त्यानंतर डीएनडी पोहोचलेल्या राहुल गांधी यांची कार स्वत: प्रियांका गांधी वाड्रा चालवत आहेत. डीएमडीवर वाहतूक कोंडीची स्थिती निर्माण झाली आहे. प्रियांका गांधी स्वत: चालवत आहेत कार काँग्रेसचे खासदार बसमधून प्रवास करत आहेत. नोएडा सीमेवर सुरक्षेत वाढ करण्यात आली आहे. डीएनडीवर मोठ्या संख्येने पोलिस तैनात करण्यात आले आहेत. तर, दुसरीकडे राजनाधी लखनऊमध्ये उत्तर प्रदेश काँग्रेस अध्यक्ष अजयकुमार लल्लू यांना नजरकैदेत ठेवण्यात आले आहे. लखनऊतील बहुखंडी येथील लल्लू यांच्या निवासस्थानावर देखील मोठ्या संख्येने पोलिस तैनात आहेत. घराभोवती तैनात असलेले पोलिस अजय लल्लू यांना घराबाहेर पडण्याची मनाई करत आहेत. अजय लल्लू यांच्या घरी मध्यरात्रीनंतर १ वाजल्यापासून मोठ्या संख्येने पोलिस तैनात झाल्याचे सांगण्यात येत आहे. मात्र, अजय लल्लू यांच्या सुरक्षेसाठी पोलिसांची तैनाती करण्यात आल्याचे पोलिसांचे म्हणणे आहे. राहुल गांधी यांनी हाथरसला जाण्याबाबतची घोषणा केल्यानंतर अजय लल्लू यांना त्यांच्या घरातच नजरकैदेत ठेवण्यात आले. आपल्याला हाथरसच्या पीडित कुटुंबीयांची भेट घेण्यापासून कोणीही रोखू शकणार नाही, असे राहुल गांधी यांनी ट्विट करत म्हटले आहे. दरम्यान, राहुल गांधी यांच्या स्वागतासाठी डीएनडी येथे काँग्रेसचे शेकडो कार्यकर्ते जमा झाले आहेत. खासगी गाड्यांसह छोटे टेंम्पोंवर काँग्रेसचे झेंडे आणि लाउडस्पीकर लावून काँग्रेसचे शेकडो कार्यकर्ते रस्त्यावर उपस्थित आहेत.

from India News in Marathi: Breaking News India in Marathi | Maharashtra Times https://ift.tt/3jrjGKB