इंधन दर ; जाणून घ्या आजचा पेट्रोल आणि डिझेलचा भाव

मुंबई : जागतिक कमॉडिटी बाजारात कच्च्या तेलाच्या किमतीत घसरण होत असली तर देशांतर्गत इंधन दर स्थिर असल्याने तूर्त ग्राहकांना दिलासा मिळाला आहे. आज बुधवारी सलग २६ व्या दिसव्ही कंपन्यांनी पेट्रोल आणि डिझेल दरात कोणताही बदल केला नाही. तीन आठवड्यांहून अधिक काळ इंधन दर 'जैसे थे'च आहेत. मागणी कमी असतानाही लिबियातील तेल उत्पादनात वाढ झाल्याने कच्च्या तेलाचे दर घसरले. डब्ल्यूटीआय क्रूडचे दर ३.२ टक्क्यांनी घसरले आणि ३८.६ डॉलर प्रती बॅरलवर स्थिरावले. लिबियातील सर्वात मोठे तेलक्षेत्र असलेल्या शरारा येथील क्रूड उत्पादन वाढल्याने तसेच जागतिक मागणीत घट झाल्याने तेलाचे दर आणखी खाली आले. लिबियातील नॅशनल ऑइल कॉर्पोरेशनने सक्तीचे निर्बंध उठवल्याने जागतिक तेल बाजारात अतिरिक्त पुरवठा होण्याच्या चिंता वाढल्या असल्याचे एंजल ब्रोकिंग लिमिटेडचे उपाध्यक्ष प्रथमेश माल्या यांनी सांगितले. युरोप आणि उत्तर अमेरिकेत वाढत्या कोरोना रुग्णांमुळे पुन्हा लॉकडाऊन लादण्यात आले. परिणामी आधीच विस्कळीत झालेल्या जागतिक तेल बाजारात आणखी अडथळे निर्माण झाले. परिणामी तेलाचे दर आणखी घसरले. नव्या लॉकडाऊनच्या निर्बंधांमुळे तेलाच्या मागणीवर आणखी दबाव आले आहेत. कोव्हिड-१९ रुग्णांमध्ये आणखी वाढ तसेच लिबियातील वाढीव उत्पादन यामुळे कच्च्या तेलाचे दर आणखी घसरले. पेट्रोलियम कंपन्यांनी आज बुधवारी सलग २६ व्या दिवशी इंधन दर जैसे थेच ठेवले. त्यामुळे आज मुंबईत पेट्रोल ८७.७४ रुपये आणि डिझेल ७६.८६ रुपये प्रती लीटर कायम आहे. दिल्लीत आजचा पेट्रोलचा भाव ८१.०६ रुपये असून ७०.४६ रुपयांवर कायम आहे. चेन्नईत पेट्रोल ८४.१४ रुपये असून डिझेल ७५.९५ रुपये आहे. कोलकात्यात पेट्रोल ८२.५९ रुपये आहे. डिझेलचा भाव ७३.९९ रुपये प्रती लीटर झाले आहे. सार्वजनिक क्षेत्रातील इंडियन ऑइल कंपनीने सप्टेंबरमध्ये डिझेल दरात २.९३ रुपयांची कपात केली होती. तर पेट्रोल ९७ पैशांनी कमी झाले होते. त्याशिवाय सार्वजनिक वितरण व्यवस्थेसाठी (रेशनिंग) केरोसीन दरात २.१९ रुपयांची कपात केली. १ ऑक्टोबरपासून मुंबईत केरोसीनचा दर प्रती लीटर २३.६५ रुपये झाला. त्याआधी तो २५.८४ रुपये होता.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/3kBa7cK