प्रियांकांसोबत गैरवर्तन : भडकलेल्या भाजप महिला नेत्याचं काँग्रेसकडून कौतुक

नवी दिल्ली : शनिवारी काँग्रेसच्या महासचिव प्रियांका गांधी आणि खासदार राहुल गांधी हे हाथरस प्रकरणातील पीडित कुटुंबाला भेटण्यासाठी निघालेले असताना त्यांची पोलिसांशी बाचाबाची झाली. या दरम्यान प्रियांका गांधी यांच्यासोबत उत्तर प्रदेश पोलिसांनी केलेल्या गैरवर्तनाचे काही फोटो सोशल मीडियावर व्हायरल झाले. या प्रकरणात चहूकडून टीका झाल्यानंतर गैरवर्तणूक केल्याकरणी गौतमबुद्ध नगर पोलिसांनी प्रियांका गांधी यांची माफी मागितली आहे. दरम्यान, प्रियांका गांधींसोबत गैरवर्तनाप्रकरणी एका महिला भाजप नेत्याची प्रतिक्रिया चांगलीच चर्चेत आहे. या नेत्या म्हणजे महाराष्ट्र भाजपच्या उपाध्यक्ष चित्रा वाघ. काँग्रेस नेत्या प्रियांका गांधी या हाथरकडे जात असताना दिल्ली - उत्तर प्रदेशच्या सीमेवर त्यांच्यासोबत गैरवर्तवणूक करणाऱ्या पोलीस कर्मचाऱ्याविरोधात कडक कारवाई करण्याची मागणी, चित्रा वाघ यांनी उत्तर प्रदेशचे मुख्यमंत्री योगी आदित्यनाथ यांच्याकडे केलीय. चित्रा वाघ यांच्या या भूमिकेचं काँग्रेसनंही कौतुक केलंय. गेल्याच वर्षी भाजपमध्ये प्रवेश केला असला तरी चित्रा वाघ आपले 'संस्कार' विसरलेल्या नाहीत, असं काँग्रेसनं म्हटलंय. वाचा : वाचा : 'एका महिला नेत्याच्या कपड्यांवर टाकण्याची पुरुष पोलिसाची हिंमत झालीच कशी! समर्थनात जर महिला पुढे येत असताील तर कोणत्याही ठिकाणचे पोलीस असोत त्यांना आपल्या मर्यादेचं भान असायला हवं. भारतीय संस्कृतीवर विश्वास ठेवणारे मुख्यमंत्री योगी आदित्यनाथजी अशा पोलिसांवर कठोर कारवाई करा' असं ट्विट चित्रा वाघ यांनी केलं होतं. यावर महाराष्ट्र युवा काँग्रेसचे प्रमुख सत्यजीत तांबे यांनी चित्रा वाघ यांच्या या भूमिकेचं स्वागत केलंय. 'गेल्या वर्षी राष्ट्रवादी काँग्रेस पक्षातून बाहेर पडून भाजपात सामील झालेल्या चित्रा वाघ पक्ष बदलल्यानंतरही आपले संस्कार विसरलेल्या नाहीत' असं त्यांनी म्हटलंय. उल्लेखनीय म्हणजे, प्रियांका गांधींसोबत उत्तर प्रदेश पोलिसांच्या गैरवर्तन केल्याप्रकरणी 'योगीजींच्या राज्यात महिला पोलीस नाहीत का?' असा सवाल उपस्थित करत शिवसेनेचे खासदार संजय राऊत यांनीही योगी सरकारवर टीका केली होती. वाचा : वाचा :

from India News in Marathi: Breaking News India in Marathi | Maharashtra Times https://ift.tt/33xRtMW