इंधन दर; डिझेल दरामध्ये पुन्हा झाली कपात

मुंबई : करोना संकट रोखण्यासाठी लागू केलेल्या टाळेबंदीनं जागतिक बाजारात कच्च्या तेलाची मागणीवर मोठा परिणाम झाला होता. किमती शून्याखाली गेल्यानंतर कच्च्या तेलाची बाजारपेठ अद्याप सावरलेली नाही. जवळपास महिनाभरापासून तेलाचे दर ४० डॉलरच्या आसपास असल्याने देशांतर्गत कंपन्यांनी इंधन दर कपातीचे सत्र सुरु ठेवले आहे. आज डिझेलमध्ये ७ पैसे कपात करण्यात आली. देशभरात डिझेल दर कपातीचे सत्र सुरु ठेवले होते. आज पुन्हा कंपन्यांनी करून ग्राहकांना दिलासा दिला. मुंबईत पेट्रोल ८७.७४ रुपये आणि डिझेल ७६.८६ रुपये प्रती लीटर कायम आहे. दिल्लीत आजचा पेट्रोलचा भाव ८१.०६ रुपये असून डिझेलचा भाव ७०.४६ रुपयांवर कायम आहे. चेन्नईत पेट्रोल ८४.१४ रुपये असून डिझेल ७५.९५ रुपये झाला आहे. कोलकात्यात पेट्रोल ८२.५९ रुपये आहे. डिझेलचा भाव ७३.९९ रुपये प्रती लीटर झाले आहे. जागतिक बाजारात डब्ल्यूटीआय क्रूडचे दर सरासरी ४० डॉलर प्रती बॅरल आहेत. अमेरिकन अर्थव्यवस्था करोनाच्या गर्तेत सापडली आहे. तेथील केंद्रीय बँकेने अर्थव्यवस्था सावरण्यासाठी तेथील केंद्रीय बॅंकेकडून पॅकेज घोषीत केले जाण्याची शक्यता आहे. करोना साथीच्या विस्तारत जाणाऱ्या परिणामामुळे क्रूडच्या मागणीत सातत्याने घट होत आहे. करोना व्हायरसचा प्रादुर्भाव वाढत आहे. अशातच केंद्र सकारने आता अनलॉक-५ साठी मार्गदर्शक सूचना (unlock 5 guidelines) जारी केल्या आहेत. यानुसार येत्या १५ ऑक्टोबरपासून देशात मल्टिप्लेक्स चित्रपटगृह, स्विमिंग पूल सुरू होणार आहेत. पण सरकारने यासाठी काही अटी घातल्या आहेत. महाराष्ट्रसह उत्तर प्रदेश आणि बहुतांश महत्वाच्या राज्यांनी अनलॉक-५ ची घोषणा केली आहे. त्यामुळे आगामी काळात आर्थिक चक्र वेग घेईल आणि इंधन मागणी वाढेल, असा अंदाज पेट्रोलियम कंपन्यांनी व्यक्त केला आहे. मुंबईत ३ सप्टेंबर रोजी पेट्रोलचा भाव प्रती लीटर ८८.७३ रुपये कायम आहे. डिझेलचा भाव ७९.९४ रुपये झाला आहे. त्याआधी २ सप्टेंबर रोजी डिझेलचा भाव ८०.११ रुपयांवर होता. आज डिझेलचा भाव प्रती लीटर ७७.०४ रुपये इतका खाली आला आहे. दर कपातीने डिझेल महिनाभरात सरासरी ३ रुपयांनी स्वस्त झाले आहे.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/34f7K8s