शिक्षक-पालकांत अजूनही करोनाची धास्ती! शाळा बंदच राहणार

नवी दिल्ली : केंद्र सरकारकडून काही ठराविक राज्यांत २१ सप्टेंबरपासून सुरु करण्याची परवानगी देण्यात आली असली तरी अनेक राज्यांत आजही शाळा-महाविद्यालय सुरू होऊ शकलेली नाहीत. राजधानी दिल्लीतही करोना संक्रमणाच्या पार्श्वभूमीवर राज्य सरकारनं अगोदर ३१ ऑक्टोबरपर्यंत शाळा बंदच ठेवण्याचा निर्णय घेतला होता. नुकत्याच घेतलेल्या एका पत्रकार परिषदेत उपमुख्यमंत्री यांनी शाळा उघडण्याचा ही तारीख अनिश्चित काळापर्यंत आणखी पुढे ढकलण्याचा निर्णय जाहीर केलाय. याचं कारण देताना, शिक्षक आणि पालक बैठकांत मिळालेल्या फीडबॅकमध्ये शाळा बंद ठेवण्याचा विचार मांडण्यात आला आहे. त्यामुळे दिल्लीचे सर्व सरकारी आणि खासगी शाळा पुढच्या आदेशापर्यंत बंदच राहतील असं सिसोदिया यांनी जाहीर केलंय. जगभरात ज्या ज्या ठिकाणी करोना संक्रमणा दरम्यान शाळा उघडण्यात आल्या आहेत तिथे लहान मुलांमध्ये संक्रमण वाढल्याचं दिसून आलं आहे. अशा वेळी दिल्लीच्या शाळा उघडण्याचा निर्णय योग्य ठरणार नाही, असंही त्यांनी स्पष्ट केलं आहे. वाचा : वाचा : उपमुख्यमंत्री सिसोदिया यांनी दिलेल्या माहितीनुसार, दिल्लीच्या उच्च शिक्षण संस्थांत यंदा १३३० जागा वाढवण्यात आल्या आहेत. यातील सर्वाधिक ६३० जागा बीटेक साठी, १२० जागा बीबीए साठी, २२० जागा बीकॉम साठी, १२० जागा बीए (इकोनॉमिक्स) साठी, ९० जागा बीसीए साठी आणि ६० जागा एमबीए साठी वाढवण्यात आल्या आहेत. आरोग्य विभागाकडून देण्यात आलेल्या माहितीनुसार, गेल्या २४ तासांत राजधानी दिल्लीत आत्तापर्यंतचे सर्वाधिक ४८५३ करोना संक्रमित रुग्ण समोर आले आहेत. करोनामुळे होणाऱ्या मृत्यूंतही वाढ झाल्याचं दिसून येतंय. गेल्या २४ तासांत दिल्लीत करोनामुळे ४४ व्यक्तींचा मृत्यू झालाय. यापूर्वी १६ सप्टेंबर रोजी दिल्लीत २४ तासांत करोनाचे ४४७३ रुग्ण आढळले होते. तर गेल्या २४ तासांत ५७,२१० नमुन्यांच्या करोना चाचण्या पार पडल्या. दिल्लीत करोनामुळे होणारा मृत्यूदर १.७४ टक्क्यांवर आहे. केंद्र सरकारकडून 'अनलॉक'च्या प्रयत्नात सुरूवातीला केवळ ५० टक्के शिक्षक आणि कर्मचारीवर्गासहीत शाळा उघडण्याची परवानगी दिली होती. सोबतच करोनापासून वाचण्यासाठी सोशल डिस्टन्सिंग, मास्क, सॅनिटायझर अशा उपायांचा अनिवार्य वापर करण्याचे निर्देश देण्यात आले होते. त्यानंतर अनेक राज्यांत शिक्षण क्षेत्रात हालचालींना सुरुवात करण्यात आलीय. वाचा : वाचा :

from India News in Marathi: Breaking News India in Marathi | Maharashtra Times https://ift.tt/31OH6TC