हाथरस: पोलिस माझ्या बहिणीचे चारित्र्यहनन करत आहेत; पीडितेच्या भावाचा आरोप

हाथरस: येथे १९ वर्षीय दलित तरुणीवर झालेल्या सामूहिक बलात्कार आणि हत्या प्रकरणातील फोनकॉलबाबतचा मुद्दा हा आपल्या विरोधात रचलेला एक कट असल्याचा आरोप पीडितेच्या भावाने केला आहे. आम्ही कोणीही आरोपीच्या संपर्कात नव्हतो, असे पीडितेच्या कुटुंबीयांचे म्हणणे आहे. त्यांनी फोन कॉलच्या तपशीलाबाबत देखील प्रश्नचिन्ह उपस्थित केले आहे. मुख्य आरोपी आणि पीडित कुटुंबामध्ये गेल्या ५ महिन्यांच्या कालावधीत १०० वेळा फोनद्वारे बातचित झाली होती, असा खुलासा पोलिसांच्या तपासात झाला आहे. हा आमच्याविरोधात रचलेला कट आहे. मारेकरी अतिशय चतुर आहेत. स्वत:ला वाचवण्यासाठी ते काहीही करू शकतात, असे पीडितेच्या भावाचे म्हणणे आहे. १० वर्षांपूर्वी आपण वडिलांसाठी एक सिम विकत घेतले होते, मात्र त्यांचा फोन नेहमची हरवायचा. यासाठी आपण आपल्या आयडीने सिम विकत घेतले. हा फोन नेहमीच घरीच असतो. गावातील सर्वांकडे, इतकेच काय पण ग्रामप्रमुखांकडेदेखील आमचा हा एकच नंबर आहे, अशी माहिती पीडितेच्या भावाने दिली. या फोनचा उपयोग अधिकतर वडिलच करतात. मात्र, मुख्य आरोपी संदीप याने कधीही संपर्क केला नसल्याचे पीडितेचा भाऊ म्हणाला. संदीप हा पीडितेच्या घराकडे येणाऱ्या रस्त्याच्या पलिकडील भागात राहतो. 'आम्हाला बहिणीवर संशय नाही' पोलिस माझ्या बहिणीचे चारित्र्यहनन करण्याचा प्रयत्न करत असल्याचा आरोप पीडितेच्या मोठ्या भावाने केला आहे. नेहमीच ते माझ्या बहिणीवर नजर ठेवून असायचे. मला माझ्या बहिणीवर कोणताही संशय नाही, असे पीडितेचा मोठा भाऊ म्हणाला. माझी बहीण शिकलेली नव्हती. तिला फोन नंबर देखील डायल करता येत नसे. तिला फोन उचलता देखील यायचा नाही, अशी माहिती पीडितेच्या छोट्या भागाने दिली. क्लिक करा आणि वाचा- 'गरीब असल्याने आम्हाला फसवले जात आहे' पीडितेचा छोटा भाऊ गाझियाबाद येथे काम करतो. त्याने पोलिसांच्या या दाव्याबाबत पुराव्याची मागणी केली आहे. उत्तर प्रदेश पोलिस आम्हाला फसवण्याचा प्रयत्न करत आहेत. कारण आम्ही गरीब आहोत. आमच्यावरील अत्याचाराला शेवट नाही. जर त्यांच्याकडे रेकॉर्ड आहे, तर मग पुरावे देखील असतीलच. मला ती कॉल रेकॉर्डिंग ऐकायची आहे, असे पीडितेचा छोटा भाऊ म्हणाला. कॉल डीटेल रेकॉर्ड (CDR) डाक्युमेंट्समध्ये एकच नंबरची वेळ, कालावधी, लोकेशन आणि कॉलची संख्या नमूद आहे. क्लिक करा आणि वाचा- क्लिक करा आणि वाचा-

from India News in Marathi: Breaking News India in Marathi | Maharashtra Times https://ift.tt/3daTcdX