covid-19: देशात करोनाचा होतोय पराभव?; पॉझिटीव्हीटीचा दर आणखी घसरला

नवी दिल्ली: भारतात करोनाचा (Coronavirus) संसर्ग झालेल्या नव्या रुग्णवाढीची गती काहीशी कमी होताना दिसत असल्याने सरकार आणि सर्वसामान्यांना काहीसा दिलासा मिळत आहे. गेल्या काही दिवसांमध्ये दररोज वाढणाऱ्या रुग्णांच्या संख्येत काहीशी घट झाली आहे. ३० सप्टेंबर ते ६ ऑक्टोबर या काळात करोनाचा पॉझिटीव्हीटीचा दर () ६.८ टक्क्यांवर पोहोचला आहे. तर, गेल्या आठवड्यात देशभरात सुमारे ८० लाख चाचण्या देखील करण्यात आल्या आहेत. (covid 19 fallen to 6 8-percent in india) करोना रुग्णवाढीबाबत मिळालेल्या माहितीनुसार, २ ते ८ सप्टेंबरदरम्यान करोनाचा पॉझिटीव्हीटीचा दर ८.३ टक्के इतका होता. ही संख्या १६ ते २२ सप्टेंबरदरम्यान ९.२ टक्के इतका होता. मात्र, त्यानंतर करोनाच्या पॉझिटीव्हीटीच्या दरात तीव्र गतीने घसरण पाहायला मिळत आहे. गेल्या तीन आठवड्यातच हा दर ६.८ टक्क्यांवर आला आहे. या बरोबरच गेल्या काही दिवसांमध्ये भारतात करोनाचा ग्रोथ रेट निगेटीव्ह झाल्याचेही स्पष्ट झाले आहे. ८ कोटी ८० लाख नमुन्यांची तपासणी केंद्र सरकारच्या आरोग्य विभागाचे सचिव राजेश भूषण यांनी दिलेल्या माहितीनुसार, देशभरात आतापर्यंत सुमारे ८ कोटी ८० लाख नमुन्यांची तपासणी करण्यात आली आहे. गेल्या आठवड्यात बरे होणाऱ्या रुग्णांची संख्या ही नव्याने आढळणाऱ्या रुग्णांच्या संख्येहून अधिक आहे. हे पाहता पॉझिटीव्हीटीच्या दरात तीव्र गतीने घसरण पाहायला मिळाली. या व्यतिरिक्त गेल्या दोन आठवड्यांमध्ये देशातील सक्रिय रुग्णांची संख्या देखील १० लाखांनी कमी झाला आहे. तर दुसरीकडे, हिवाळा आणि सणासुदीचे दिवस पाहता करोनाचा संसर्ग वाढण्याची शक्यता व्यक्त करत सतर्कता बाळगण्याची आवश्यकता असल्याचे आरोग्य मंत्रालयाने म्हटले आहे. या वेळी सतर्कता बाळगल्यास करोनाचा संसर्ग रोखला जाऊ शकतो. क्लिक करा आणि वाचा- सक्रिय रुग्णांची संख्या १० लाखांनी घटली आकडेवारीचा विचार करता, ६ ऑक्टोबरला देशात एकूण सक्रिय रुग्णांची संख्या ९ लाख १९ हजार २३ इतकी होती. यात केवळ महाराष्ट्रातच २ लाख ३२ हजार ७२१ सक्रिय रुग्ण होते. तर आंध्र प्रदेशात सक्रिय रुग्णांची संख्या ५१ हजार ५० इतकी होती. कर्नाटकात ५१ हजार ५९६, तामिळनाडूत ४५ हजार ८८१, उत्तर प्रदेशात ४५ हजार २४ आणि पश्चिम बंगालमध्ये २७ हजार ७१७ इतके सक्रिय रुग्ण होते. कालपर्यंत वाढलेल्या एकूण ६१ हजार २६७ नव्या रुग्णांपैकी ७७ टक्के रुग्ण हे १० राज्यांमधील होते. क्लिक करा आणि वाचा- क्लिक करा आणि वाचा-

from India News in Marathi: Breaking News India in Marathi | Maharashtra Times https://ift.tt/3nq4AaM