केदारनाथमध्ये अचानक बर्फवृष्टी, योगी आदित्यनाथ-रावत अडकले

देहरादून : केदारनाथचे द्वार बंद होण्यापूर्वीच इथं जोरदार झालीय. त्यामुळे मंदिराचे द्वार बंद होण्यापूर्वी दर्शनासाठी पोहचलेले उत्तराखंड आणि उत्तर प्रदेशचे मुख्यमंत्र्यांवर इथंच अडकून पडण्याची वेळ आली. केदारनाथमध्ये बर्फवृष्टी झाल्यानं त्याचा प्रवाशांवरही परिणाम दिसून येतोय. केदारनाथच्या दर्शनासाठी गेलेले उत्तराखंडचे त्रिवेंद्र सिंह रावत आणि उत्तर प्रदेशचे मुख्यमंत्री हेदेखील बर्फवृष्टीमुळे इथेच अडकून पडले. केदारनाथचे द्वार बंद होताच ८.३० वाजताच दोन्ही मुख्यमंत्र्यांना हेलिकॉप्टरनं उड्डाण घेत बद्रिनाथकडे रवाना व्हायचं होतं. परंतु, बर्फवृष्टीमुळे हेलिकॉप्टरला उड्डाण घेणं शक्य नव्हतं. त्यामुळे बर्फवृष्टी थांबण्याची वाट पाहण्याशिवाय या दोघांकडेही मार्ग उरला नाही. वाचा : वाचा : बर्फवृष्टीमुळे संपूर्ण केदारनाथ मंदिराचा परिसर पांढरा कापूस पसरल्यासारखा दिसून येतोय. या भागात प्रचंड थंडी वाढलीय. सोबतच, गंगोत्री धाम इथंही मोठ्या प्रमाणात बर्फवृष्टी झाली. गंगोत्री धामचे द्वार बंद होताच अचानक वातावरणात बदल झाला आणि बर्फवृष्टीला प्रारंभ झाला. उल्लेखनीय म्हणजे, उत्तर भारतासहीत अनेक डोंगराळ राज्यांत हवामान अचानक बदलल्याचं दिसून आलं. जम्मू - काश्मीर, उत्तराखंड आणि हिमाचल प्रदेशात मोठ्या प्रमाणात बर्फवृष्टी झाली. उत्तर प्रदेश, दिल्ली, राजस्थानसहीत अनेक राज्यांत रविवारी झालेल्या पावसामुळे अचानक पारा खाली आला. उंचसखल भागांत राहणाऱ्या स्थानिकांच्या अडचणीत मात्र बर्फवृष्टीमुळे वाढ झालीय. हवामान विभागानं दिलेल्या माहितीनुसार, येत्या काही दिवसांत तपमानात आणखी घट दिसून येऊ शकते. दिल्ली - एनसीआर भागातही रविवारी सायंकाळी अचान हवामान बदललं. संपूर्ण दिल्ली एनसीआरमध्ये अचानक पाऊस कोसळू लागल्यानं करोना संक्रमणानं बेजार झालेले नागरिक अधिकच धास्तावले. वाचा : वाचा :

from India News in Marathi: Breaking News India in Marathi | Maharashtra Times https://ift.tt/3pxjMnt