सलग तिसऱ्या दिवशी तीन लाखांहून अधिक करोनाबाधित रुग्ण समोर

नवी दिल्ली : देशात सलग तिसऱ्या दिवशी तीन लाखांहून अधिक करोना रुग्ण आढळले आहेत. शुक्रवारी एकाच दिवसात ३ लाख ४६ हजार ७८६ नवीन रुग्णांची नोंद करण्यात आलीय तर, २६२४ करोनाबाधित रुग्णांनी आपले प्राण गमावले आहेत. दिलासादायक बाब म्हणजे एका दिवसात २ लाखांहून अधिक रुग्ण निरोगी होऊन घरी परतले आहेत. एकूण करोना संक्रमित रुग्णांची संख्या : १ कोटी ६६ लाख १० हजार ४८१ एकूण बरे झालेली रुग्णसंख्या : १ कोटी ३८ लाख ६७ हजार ९९७ उपचार सुरू : २५ लाख ५२ हजार ९४० एकूण मृत्यू : १ लाख ८९ हजार ५४४ करोना लसीचे डोस दिले गेले : १३ कोटी ८३ लाख ७९ हजार ८३२ देशातील एकूण करोनाबाधित रुग्णांची संख्या १ कोटी ६६ लाख १० हजार ४८१ वर पोहचलीय. तर आतापर्यंत देशात एकूण १ लाख ८९ हजार ५४४ नागरिकांनी करोनामुळे आपले प्राण गमावले आहेत. सध्या देशात २५ लाख ५२ हजार ९४० रुग्णांवर उपचार सुरू आहेत. या रुग्णांवर रुग्णालयात उपचार सुरू आहेत किंवा हे रुग्ण डॉक्टरांच्या निर्देशावर आपल्या घरीच आयसोलेशनमध्ये राहून उपचार घेत आहेत.

from India News in Marathi: Breaking News India in Marathi | Maharashtra Times https://ift.tt/3nfx8nA