लाल किल्ला हिंसाचार : मुख्य आरोपी दीप सिद्धूला जामीन मंजूर

नवी दिल्ली : प्रकरणातील मुख्य आरोपी याला दिल्ली न्यायालयानं सशर्त जामीन मंजूर केलाय. पोलिसांनी भारतीय दंड संहितेच्या कलम १२४ ए (राजद्रोह) नुसार पंजाबी अभिनेता दीप सिद्धू आणि गँगस्टर-सामाजिक कार्यकर्ता यांच्यावर मुख्य म्हणून गुन्हा दाखल केला आहे. दिल्लीच्या तीस हजारी कोर्टानं दीप सिद्धू याला ३० हजारांच्या जात मुचलक्यावर जामीन मंजूर केला आहे. न्यायालयानं जामीनासाठी दीप सिद्धू याला काही अटीही घातल्या आहेत. दीप सिद्धू चौकशीसाठी पोलिसांना मदत करणार तसंच कोणत्याही प्रकारे साक्षीदारांना प्रभावित करण्याचा प्रयत्न करणार नाही. २४ तास त्याचा फोन सुरू राहील आणि त्याच्या ठिकाण्याची माहिती चौकशी अधिकाऱ्यांना देत राहील, अशा अटींवर दीप सिद्धू याला जामीन मिळालाय. केंद्राकडून लागू करण्यात आलेल्या तीन कृषी कायद्यांच्या विरोधात शेतकऱ्यांनी केलेल्या आंदोलना दरम्यान २६ जानेवारी रोजी दीप सिद्धूसह आणखी काही आरोपींनी गोंधळ घालण्याचा प्रयत्न केला होता. शेतकऱ्यांच्या 'ट्रॅक्टर रॅली' दरम्यान लाल किल्ला परिसरात तसंच दिल्लीच्या आणखी काही भागांत हिंसाचार घडला होता. या प्रकरणात दीप सिद्धू हा मुख्य आरोपी आहे. २६ जानेवारी रोजी लाल किल्ल्यावर तलवारी नाचवत करण्यात आला होता. आयटीओ तसचं दिल्लीतील इतर परिसरांत झालेल्या हिंसाचारा दरम्यान या दिवशी ५०० हून अधिक पोलीस कर्मचारी जखमी झाले होते. तर एका आंदोलनकर्त्यांचा मृत्यूही झाला होता. ८ एप्रिल रोजी झालेल्या सुनावणी दरम्यान दीप सिद्धूनं आपण निर्दोष असल्याचा दावा केला होता तसंच जामिनाचीही मागणी केली होती. तर दुसरीकडे दिल्ली पोलिसांनी दीप सिद्धूला जामीन देण्याचा विरोध केला होता. दिल्ली पोलिसांच्या म्हणण्यानुसार, दीप सिद्धू हा केवळ हिंसाचारात सहभागी नव्हता तर अगोदरच्या दिवशी हिंसाचाराचा कट रचण्यातही त्याचा सहभाग होता. लोनीच्या मार्गानं तो लाल किल्ला परिसरात दाखल झाला होता. दिल्ली पोलिसानी हिंसाचार प्रकरणात शेतकरी नेते राकेश टिकैत, योगेश यादव, सामाजिक कार्यकर्त्या मेधा पाटकर, राजिंदर सिंह,, बूटा सिंह, दर्शन पाल, बलबीर सिंह राजेवाल यांच्यासहीत ३७ शेतकरी नेत्यांविरोधात गुन्हा दाखल केला आहे. प्रजासत्ताक दिनाला झालेल्या हिंसाचार प्रकरणात दिल्ली पोलिसांनी आतापर्यंत १५२ जणांना अटक केली आहे.

from India News in Marathi: Breaking News India in Marathi | Maharashtra Times https://ift.tt/3e8ovHw