उत्तर प्रदेशचे मुख्यमंत्री योगी आदित्यनाथ करोनामुक्त

लखनऊ : उत्तर प्रदेशचे मुख्यमंत्री यांनी करोनावर मात केलीय. ही माहिती खुद्द मुख्यमंत्र्यांनी सोशल मीडियावर एका पोस्टद्वारे दिलीय. आपल्याला मिळालेल्या शुभेच्छांसाठी योगी आदित्यनाथ यांनी शुभेच्छुकांचे आभारही मानले आहेत. योगी आदित्यनाथ १४ एप्रिल रोजी असल्याचं स्पष्ट झालं होतं. घशात खवखव आणि हलका ताप जाणवल्यानंतर योगी आदित्यनाथ आयसोलेट झाले होते. त्यानंतर करण्यात आलेल्या करोना चाचणीत ते असल्याचं समोर आलं होतं. त्यानंतर होम आयसोलेशनमध्ये राहून तज्ज्ञांच्या मदतीने त्यांच्यावर उपचार होते. होम आयसोलेशनमध्ये असतानाही व्हिडिओ कॉन्फरन्सिंगद्वारे त्यांचं काम आणि बैठका सुरू होत्या. कोविड विशेष टीम-११ च्या अधिकाऱ्यांसोबतही ते सतत संपर्कात होते. मुख्यमंत्र्यांनी भारत बायोटेकद्वारे विकसीत करण्यात आलेल्या 'कोव्हॅक्सिन' लसीचा पहिला डोस ५ एप्रिल रोजी घेतला होता. मुख्यमंत्र्यांपूर्वी त्यांचे अनेक सहकारी आणि कर्मचारी करोना पॉझिटिव्ह आढळले होते. तसंच करोना पॉझिटिव्ह असल्याचं लक्षात येण्यापूर्वी योगींनी १२ एप्रिल रोजी आपल्या मंत्रिमंडळातील सहकारी आशुतोष टंडन यांच्यासोबत राजधानी लखनऊमध्ये एका कार्यक्रमात सहभाग घेतला होता. टंडन हेदेखील कोविड पॉझिटिव्ह आढळले होते. करोना संक्रमित होण्यापूर्वी योगी आदित्यनाथ पश्चिम बंगाल आणि केरळ विधानसभा निवडणुकीत विशेषरित्या सक्रीय होते. भाजपच्या स्टार प्रचारकांच्या यादीतही त्यांचं नाव होतं.

from India News in Marathi: Breaking News India in Marathi | Maharashtra Times https://ift.tt/3t6IA6g