'देशमुखांनी सीबीआयला दिलेल्या जबाबात परब यांचे नाव घेतले'

म. टा. विशेष प्रतिनिधी, मुंबई 'शंभर कोटी रुपयांच्या वसुलीच्या आरोपप्रकरणी माजी गृहमंत्री यांनी सीबीआयला दिलेल्या जबाबात परिवहनमंत्री यांचे नाव घेतले आहे. कमिशन न घेता जमा करायचे आणि आणून द्यायचे हे त्यांचे काम आहे. ते सेवाभावी मंत्री आहेत,' अशी उपरोधिक टीका भाजपचे खासदार यांनी शुक्रवारी केली. 'माजी गृहमंत्री अनिल देशमुख यांनी महिन्याला मुंबईतून १०० कोटी वसूल करून देण्यास सचिन वाझे यांना सांगितले होते,' असे पत्र मुंबईचे माजी पोलिस आयुक्त परमबीरसिंह यांनी मुख्यमंत्री उद्धव ठाकरे यांना दिले होते. या प्रकरणाची चौकशी सीबीआय करत आहे. यात अनिल देशमुख यांची चौकशी झाली आहे. या वेळी देशमुख यांनी शिवसेनेचे नेते आणि परिवहनमंत्री अनिल परब यांचे नाव घेतले आहे. आम्ही या आधी अनिल परब सेवाभावी मंत्री आहेत, असे म्हटले होते. त्यांनी कशी सेवा केली आणि मेवा जमा केला, तसेच तो कुठे पोचला, याची चौकशी होत आहे, असे राणे यांनी सांगितले. सीबीआयचा अहवाल १५ दिवसांत उघड होईल, त्यात अनिल देशमुख यांचे खरे रूप उघड होईल आणि ते कोणाच्या सांगण्यावरून हे करत होते, ते बाहेर येईल. अनिल परब चौकशीला तयार नसतील, तर त्यांना उचलून चौकशीला नेले जाईल. त्यांना आधी मंत्रिपदाचा राजीनामा द्यावा लागेल, असे राणे म्हणाले.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3sq6gCy