संतापजनक! आधी पत्नी-मुलांची हत्या, शिक्षिकेच्या खुनानंतर केला सेक्स

जमशेदपूर: झारखंडमधील येथील प्रकरणात धक्कादायक माहिती उघड झाली आहे. आरोपी दीपकचा विक्षिप्तपणा समोर आला आहे. पत्नी आणि दोन मुलांची हत्या केल्यानंतर त्याने घरी आलेल्या शिक्षिकेचीही हत्या केली. तिच्या हत्येनंतर मृतदेहाचे हातपाय बांधून बलात्कारही केला. चार जणांची हत्या केल्यानंतर आणखी दोघांची हत्या करण्याचा त्याचा विचार होता, अशी माहिती तपासात उघड झाली आहे. एका बड्या कंपनीत नोकरी करणाऱ्या दीपक कुमारने पत्नी, दोन मुले आणि त्यांना शिकवणाऱ्या शिक्षिकेची हत्या केली होती. चौघांचेही गळे चिरून त्याने हत्या केली. त्यानंतर घराला बाहेरून कुलूप लावून तो फरार झाला होता. शेजाऱ्यांनी घरात पाहिले असता, त्यांना मोठा धक्का बसला होता. दीपकला अटक केल्यानंतर त्याने पोलिसांना धक्कादायक माहिती दिली. त्याच्या दोन्ही मित्रांनी त्याचा विश्वासघात केला होता. ट्रान्सपोर्ट व्यवसायासाठी त्याने ट्रक घेतला होता. त्यात मित्र रोशन याने फसवणूक केली होती. त्यामुळे त्याची हत्या करण्याचा विचार त्याच्या मनात आला होता. मात्र, त्याची हत्या केली आणि तुरुंगात जावे लागले तर, कुटुंब उद्ध्वस्त होईल असे त्याला वाटले. त्यामुळेच त्याने आधी आपल्या कुटुंबीयांना संपवले. त्यांची हत्या केल्यानंतर घरी आलेल्या शिक्षिकेचीही हत्या केली. त्यानंतर तिचे हायपाय बांधले आणि तिच्यावर बलात्कार केला. रोशनसोबत त्याचा मेहुणा आल्यानंतर त्याच्यावरही वार केले. यात तो जखमी झाला. या हत्याकांडानंतर तो आपल्या दुचाकीवरून राउरकेला येथे गेला. तेथून पुरी येथे पोहोचला. त्यानंतर कारने धनबाद येथे गेला. तेथील हॉटेलात कारचालकाच्या ओळखपत्रावर राहिला. घरातून जे दागिने घेऊन गेला होता, ते दागिने त्याने जमशेदपूरमध्ये साडेचार लाख रुपयांना विकले होते. त्यातील साडेतीन लाख रुपये रोख मिळाले. पोलिसांनी त्याच्याकडील एक लाखांची रोकड जप्त केली आहे.

from India News in Marathi: Breaking News India in Marathi | Maharashtra Times https://ift.tt/3ssBHfw