coronavirus delhi : दिल्लीत करोना संकट; मदतीसाठी केजरीवालांचे PM मोदींना पत्र

नवी दिल्लीः राजधानी दिल्लीत करोना संकटाने चिंता वाढवली आहे. मुख्यमंत्री यांनी पत्रकार परिषद घेत दिल्लीतील करोनासंबंधी परिस्थितीची माहिती दिली. दिल्लीत करोनाचा पॉझिटिव्हिटी दर हा ३० टक्क्यांवर गेला आहे. यामुळे करोना रुग्णांची विक्रमी संख्या समोर येत आहे आणि मृत्युही होत आहेत, असं केजरीवाल यांनी सांगितलं. दरम्यान, अरविंद केजरीवाल यांनी दिल्लीतील करोनासंबंधी स्थितीची माहिती देत पंतप्रधान मोदींना मदतीसाठी पत्र लिहिलं ( ) आहे. कोरनाच्या वाढत्या रुग्णांमुळे बेड पटापट भरत चालले आहेत. राजधानी दिल्लीत आता १०० हून कमी ICU बेड उपलब्ध आहेत. दिल्लीतील हॉस्पिटल्समध्ये ऑक्सिजनचा तुटवडाही जाणवत आहे. एका खासगी हॉस्पिटलमध्ये काल रात्री ऑक्सिजनचा मोठा तुटवडा होता. आम्ही केंद्र सरकारशी सतत संपर्कात आहोत. जी मदत सरकारकडून करण्यात येत आहे, त्याबद्दल खूप आभारी आहोत, असं अरविंद केजरीवाल म्हणाले. दिल्लीत बेडची अवश्यकता असल्याने यासंबंधी केंद्रीय गृहमंत्री अमित शहा यांच्याशी आपण बोललो आहोत, असं केंद्रीय आरोग्यमंत्री डॉ. हर्षवर्धन यांनी आपल्याला काल संध्याकाळी सांगितलं. दिल्लीत केंद्र सरकारचे एकूण १० हजार बेड आहेत. त्यातील १८०० बेड फक्त करोनासाठी राखीव आहेत. पण आता करोना रुग्णांसाठी ७ हजार बेड राखीव ठेवावेत, अशी आमची मागणी आहे. अरविंद केजरीवाल यांनी यासंदर्भात पंतप्रधान मोदींना पत्र लिहिलं आहे. येत्या दोन - तीन दिवसांत दिल्ली सरकार ६ हजार ऑक्सिजन बेड तयार करेल. तसंच अनेक हॉस्पिटल्समध्ये ऑक्सिजनच्या हाय फ्लोसाठी व्यवस्था केली जात आहे. यमुना स्पोर्ट्स कॉम्प्लेक्स, राष्ट्रकुल क्रीडा स्टेडियम, राधा स्वामी सत्संग, शाळांमध्येही व्यवस्था करण्यात येत आहे, अशी माहिती दिल्लीचे मुख्यमंत्री अरविंद केजरीवाल यांनी दिली. राजधानी दिल्लीत गेल्या २४ तासांत करोनाचे २५,५०० इतके नवीन रुग्ण आढळून आले आहेत. करोना पॉझिटिव्हिची दरही ३० टक्क्यांपर्यंत पोहचला आहे, असं केजरीवाल म्हणाले.

from India News in Marathi: Breaking News India in Marathi | Maharashtra Times https://ift.tt/3ttLx1H