Punjab Congress: 'कॅप्टन'च्या 'होम मिनिस्टर'कडे सोपवली जाणार काँग्रेस प्रदेशाध्यक्षपदाची सूत्रं?

नवी दिल्ली : आगामी पंजाब विधानसभा निवडणूक २०२२ च्या पार्श्वभूमीवर पंजाबच्या राजकारणात मोठ्या घडामोडी घडताना दिसून येत आहेत. यांनी तडकाफडकी काँग्रेस प्रदेशाध्यक्षपदाचा राजीनामा दिल्यानंतर त्यांच्यावर काँग्रेस नेतृत्व नाराज असल्याचं समजतंय. सिद्धू यांना राजीनामा मागे घेण्यासाठी काँग्रेस नेतृत्वाकडून त्यांना आता पुन्हा समजावण्याचा प्रयत्न केला जाण्याची शक्यता कमी असल्याचं सूत्रांचं म्हणणं आहे. याच दरम्यान, पंजाब पदासाठी माजी मुख्यमंत्री यांच्या 'होम मिनिस्टर' यांच्या नावाची जोरदार चर्चा आहे. परनीर कौर या कॅप्टन अमरिंदर सिंह यांच्या पत्नी असून त्या पंजाबच्या पटियाला लोकसभा मतदारसंघाच्या खासदारही आहेत. कॅप्टन अमरिंदर सिंह यांचा राजीनामा तसंच मुख्यमंत्री पदावर चरणजीत सिंह चन्नी यांची निवड या घडामोडीं दरम्यान अनेकदा सिद्धूंना झुकतं माप दिल्यानंतरही सिद्धूंनी तडकाफडकी राजीनामा सोपवल्यानं काँग्रेस नेतृत्व नाराज असल्याचं म्हटलं जातंय. सिद्धू यांनी स्वत:हून आपला राजीनामा मागे घेतला नाही तर त्यांच्याऐवजी पंजाब काँग्रेस अध्यक्ष पदावर दुसऱ्या व्यक्तीची निवड केली जाऊ शकते. काँग्रेस सूत्रांनी दिलेल्या माहितीनुसार, सिद्धू यांच्याऐवजी कुणाला हे पद दिलं जाणार याबाबत अद्याप निर्णय घेण्यात आलेला नसला तरी तीन ते चार नावांवर विचार सुरू आहे. सिद्धूंची हकालपट्टी करण्याची मागणी प्रियांका गांधी यांचे सल्लागार विभाकर शास्त्री यांनी नवज्योत सिंह सिद्धू यांची पक्षातून हकालपट्टी करण्याची मागणी केलीय. सिद्धूंच्या राजीनाम्यानंतर त्यांची काँग्रेस नेतृत्वाशी कोणतीही चर्चा होऊ शकलेली नाही. भाजपकडून कॅप्टन अमरिंदर यांची राज्यसभेत वर्णी दुसरीकडे काँग्रेसचा महत्त्वाचा चेहरा असलेल्या कॅप्टन अमरिंदर सिंह यांनी गृहमंत्री अमित शहांच्या घेतलेल्या भेटीनंतर काँग्रेसमध्ये खळबळ उडालीय. बुधवारी अमित शहा आणि कॅप्टन अमरिंदर सिंह यांच्यात जवळपास ४५ मिनिटे चर्चा झाली. अमित शहा यांच्यानंतर अमरिंदर सिंह भाजपाध्यक्ष जे पी नड्डा यांची भेट घेण्याचीही शक्यता वर्तवण्यात येतेय. भाजपकडून कॅप्टन अमरिंदर सिंह यांच्या नावाची राज्यसभेत वर्णी लावली जाऊ शकते. तसंच त्यांना केंद्रीय मंत्रीपदही दिलं जाऊ शकतं, अशी चर्चा सुरू आहे.

from India News in Marathi: Breaking News India in Marathi | Maharashtra Times https://ift.tt/3kRPf3j