डिझेल स्वस्ताई सुरूच ; आज पुन्हा एकदा डिझेल दरात कपात

मुंबई : जागतिक बाजारपेठेत कच्च्या तेलाची किंमत स्थिर असल्याने पेट्रोलियम कंपन्यांनी डिझेल दर कपातीचा धडाका लावला आहे. सलग तिसऱ्या दिवशी कंपन्यांनी डिझेलमध्ये कपात केली. आज डिझेल दरात ९ पैशांची कपात केली आहे. तर जैसे थेच ठेवण्यात आला आहे. आज सोमवारी मुंबईत पेट्रोल ८७.७४ रुपये असून डिझेलचा भाव प्रती लीटर भाव ७७.१२ रुपये झाला आहे. दिल्लीत आजचा पेट्रोलचा भाव ८१.०६ रुपये असून डिझेलचा भाव ७०.७१ रुपये आहे. चेन्नईत पेट्रोल ८४.१४ रुपये असून डिझेल ७६.१८ रुपये झाला आहे. कोलकात्यात पेट्रोल ८२.५९ रुपये आहे. डिझेल ७४.२३ रुपये प्रती लीटरपर्यंत घसरले आहेत. गेल्या आठवड्यात तीन दिवस दर कपातीला विश्रांती दिल्यानंतर शनिवारी देशभरात डिझेल १६ पैशांनी स्वस्त झाले होते. त्या आधीच्या आठवड्यात कंपन्यांनी डिझेलमध्ये मोठी कपात केली होती. शनिवारी २० पैसे आणि रविवारी २२ पैशांनी डिझेल स्वस्त झाले होते. शुक्रवारी पेट्रोल २६ पैसे आणि डिझेल ३७ पैशांनी स्वस्त झाले होते. गुरुवारी पेट्रोल आणि डिझेलमध्ये १३ ते २० पैशांची कपात झाली. बुधवारी इंधन दर स्थिर ठेवले होते. मंगळवारी कंपन्यांनी पेट्रोल दरात १७ पैसे आणि डिझेलमध्ये २२ पैशांची कपात केली. तर सोमवारी पेट्रोल १४ पैसे आणि डिझेल १५ पैशांनी स्वस्त झाले होते. कच्चे तेलाचा (डब्ल्यूटीआय क्रूड) भाव प्रती बॅरल ४०.०४ डॉलर प्रती बॅरलपर्यंत खाली आला आहे. कोव्हीड-१९ च्या वाढत्या रुग्णांमुळे तसेच लिबियन तेल उत्पादन पुन्हा सुरू झाल्याने तेलाचा पुरवठा वाढण्याची शक्यता आहे. लिबियन तेल उत्पादन पुन्हा सुरू झाल्याने जागतिक क्रूड मार्केटमध्ये जवळपास दररोज लाखो बॅरल तेलाचा पुरवठा होणार आहे. दरम्यान, इंधन मागणी वाढली असल्याचे सप्टेंबरच्या पहिल्या पंधरवड्यात दिसून आले आहे. पेट्रोलची विक्रीचे प्रमाण करोना पूर्व स्थितीला गेले आहे. १ ते १५ सप्टेंबर या या काळात पेट्रोल विक्रीत २.२ टक्के वाढ झाली.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/2S526A5