इंधन दर ; जाणून घ्या आजचा पेट्रोल आणि डिझेलचा भाव

मुंबई : जागतिक बाजारात कच्च्या तेलाच्या किमतीत वाढ झाली असली तरी पेट्रोलियम कंपन्यांनी इंधन दरात कोणताही बदल केलेला नाही. आज बुधवारी पेट्रोल आणि डिझेल दर स्थिर आहेत. सलग पाचव्या दिवशी कंपन्यांनी पेट्रोल आणि डिझेल दरात कोणताही बदल केला नाही. पेट्रोलियम कंपन्यांनी बुधवारी इंधन दर स्थिर ठेवले. मुंबईत पेट्रोल ८७.७४ रुपये आणि डिझेल ७६.८६ रुपये प्रती लीटर कायम आहे. दिल्लीत आजचा पेट्रोलचा भाव ८१.०६ रुपये असून ७०.४६ रुपयांवर कायम आहे. चेन्नईत पेट्रोल ८४.१४ रुपये असून डिझेल ७५.९५ रुपये झाला आहे. कोलकात्यात पेट्रोल ८२.५९ रुपये आहे. डिझेलचा भाव ७३.९९ रुपये प्रती लीटर झाले आहे. सार्वजनिक क्षेत्रातील इंडियन ऑइल कंपनीने सप्टेंबरमध्ये डिझेल दरात २.९३ रुपयांची कपात केली आहे. तर पेट्रोल ९७ पैशांनी कमी झाले आहे. त्याशिवाय सार्वजनिक वितरण व्यवस्थेसाठी (रेशनिंग) केरोसीन दरात २.१९ रुपयांची कपात केली आहे. १ ऑक्टोबरपासून मुंबईत केरोसीनचा दर प्रती लीटर २३.६५ रुपये झाला आहे. त्याआधी तो २५.८४ रुपये होता. जागतिक बाजारात कच्च्या तेलाच्या किमतीत उलथापालथ होत आहे. डोनाल्ड ट्रम्प यांच्या प्रकृतीत सुधारणा झाल्याने गुंतवणूकादारांमध्ये आशेचा किरण दिसून आला. परिणामी डब्ल्यूटीआय क्रूडचे दर ५.८ टक्क्यांनी वाढले व ३९.२ डॉलर प्रति बॅरलवर स्थिरावले. अमेरिकेकडून अतिरिक्त कोरोना पॅकेजच्या आशेने कच्च्या तेलाच्या दरांना आणखी आधार मिळाला. नॉर्वेयन तेल संघटना आणि युनियनमधील वेतनावरील चर्चा अपयशी ठरल्यामुळे सिक्स नॉर्वेयन किनारपट्टीवरील तेल व वायू क्षेत्र बंद राहिले. कोव्हिड-१९च्या रुग्णसंख्येत वाढ आणि जगातील प्रमुख अर्थव्यवस्थांमध्ये पुन्हा लॉकडाऊन झाल्याने क्रूडच्या अर्थकारणावर आणखी परिणाम झाला. तेलाच्या मागणीतील घसरणीचे व्यवस्थापन करण्यासाठी जानेवारी २०२१ पासून ओपेक तेल उत्पादन वाढवण्यास नकार देत आहे. तसेच घसरत्या डॉलरच्या मूल्यामुळेही कच्च्या तेलाच्या दरांना आधार मिळाला. आजच्या सत्रात एमसीएक्सवर तेलाच्या किंमतींत फार सुधारणा होणार नाहीत, अशी अपेक्षा आहे.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/36S7j7d