आयटीबीपी जवानांनी 'गंगोत्री-२' शिखरावर फडकावला तिरंगा!

नवी दिल्ली : करोनासारख्या कठीण काळातही जवानांनी आपले आपल्या मोहिमा सुरूच ठेवल्या आहेत. इंडो तिबेटीयन सीमा पोलिसांच्या पर्वतारोही टीमनं याच काळात आणखी एका शिखरावर चढाई यशस्वीरित्या पूर्ण केलीय. आयटीबीपीच्या नऊ सदस्यांच्या एका गटानं उत्तराखंडातील 'गंगोत्री-२' शिखरावर तिरंगा फडकावलाय. करोना काळातील टीमचं ही दुसरी यशस्वी मोहीम ठरलीय. गंगोत्री - २ शिखराची उंची २१,६१५ फूट आहे. स्थानिक मुख्यालय आयटीबीपी देहरादूनच्या टीमनं ही मोहीम आखली होती. मोहिमेंतर्गत ९ सदस्यांनी सहभाग घेतला. टीमनं ९ सप्टेंबर रोजी उत्तरकाशीपासून या चढाई मोहिमेला सुरुवात केली होती. २६ सप्टेंबर रोजी या गटाचे सगळ्या म्हणजेच नऊ सदस्यांनी बर्फानं आच्छादलेल्या गंगोत्री-२ च्या शिखरावर पूर्ण करत अभिमानानं तिरंगा फडकावला. वाचा : वाचा : आयटीबीपीच्या या गटाचं नेतृत्व उपसेनानी दिपेंद्र सिंह मान यांनी केलं. तर असिस्टंट कमांडन्ट भीम सिंह हे या मोहिमेचा उपनेते होते. चढाई करणाऱ्यांत हेड कॉन्स्टेबल राजेश चंद्र रमोला, कॉन्स्टेबल प्रदीप पवार, सतेंदर कुंडी, हरेंदर सिंह, अशोक सिंह राणा, अरुण आणि गोविंद प्रसाद यांचा समावेश होता. आयटीबीपीच्या पर्वतारोही गटात एकूण ५६ सदस्य आहेत. यापूर्वी ३१ ऑगस्ट २०२० रोजी आयटीबीपीनं हिमाचल प्रदेशातील लियो परगिल शिखरावर यशस्वी चढाई केली होती. आयटीबीपीनं आत्तापर्यंत २१४ हून अधिक टेकड्या सर केल्यात. हा पर्वतारोही दलाचा एक अद्वितीय रेकॉर्ड आहे. आयटीबीपी जवान दुर्गम भागातील टेकड्यांवर देशाच्या सुरक्षेसाठी तैनात असतात. वाचा : वाचा :

from India News in Marathi: Breaking News India in Marathi | Maharashtra Times https://ift.tt/3iGL3PF