बिहार निवडणूक : 'म्हशी'वर स्वार होत उमेदवार अर्ज भरण्यासाठी दाखल

पाटणा : बिहार विधानसभा निवडणुकीसाठी राजकीय पक्षांकडून उमेदवारांना रिंगणात उतरवण्याची प्रक्रिया सुरू झालीय. राजकीय पक्षांत जागांची वाटाघाटीही पार पडलीय. अनेक ठिकाणी पक्षांकडून उमेदवारी मिळालेल्या तसंच अपक्ष उमेदवारांनी आपले दाखल करण्यास सुरुवात केलीय. याच दरम्यान एक अपक्ष उमेदवारी आपला उमेदवारी अर्ज दाखल करण्यासाठी निवडणूक अधिकाऱ्यांसमोर हजर झाले तेव्हा त्यांनी अनेकांचं लक्ष आपल्याकडे वेधून घेतलं. पालीगंज विधानसभा मतदार संघात 'पीपल पार्टी ऑफ इंडिया डेमोक्रेटिव्ह'चे रविंद्र प्रसाद उर्फ कपिल यादव उमेदवारी अर्ज दाखल करण्यासाठी अनोख्या अंदाजात पोहचले. आपल्या प्रवासासाठी त्यांनी सायकल, मोटारसायकल, गाडी अशा वाहनांचा नाही तर चक्क म्हशीचा वापर केला. होऊन हे महोदय अनुमंडल मुख्यालय बाजारात दाखल झाले... तेव्हा अनेक जण त्यांच्याकडे पाहतच राहिले. वाचा : वाचा : हार आणि तुऱ्यांनी सजवलेली म्हैस... म्हशीवर स्वार झालेले उमेदवार... त्यांच्या मागे त्यांचे समर्थक जल्लोष करताना... आणि सोबतच वाद्यमंडळी... असा ताफाच रस्त्यावर निघालेला दिसला. या ताफ्यात अनेक वृद्ध मंडळीही दिसत आहे. म्हशीवर स्वार होण्याबद्दल जेव्हा स्थानिक मीडियानं कपिल यादव यांना प्रश्न केला तेव्हा 'मी शेतकऱ्याचा मुलगा आहे. त्यामुळेच म्हशीवर स्वार होऊन उमेदवारी अर्ज दाखल करण्याचा निर्णय घेतला. मी गरिबांची मदत करू इच्छितो, त्यामुळेच निवडणुकीत उभं राहण्याचा निर्णय घेतला' असं कपिल यादव यांनी म्हटलंय. हा व्हिडिओ सोशल मीडियात भलताच चर्चेत आहे. अनेक जण यावर चांगल्या-वाईट प्रतिक्रियाही व्यक्त करत आहेत. कुणी 'देशाचा नेते कपिल यादव यांच्यासारखा असावा' असं म्हणतंय तर कुणी 'निवडणुकीत खूप नौटंकी पाहायला मिळतेय' अशी प्रतिक्रिया व्यक्त केलीय. वाचा : वाचा :

from India News in Marathi: Breaking News India in Marathi | Maharashtra Times https://ift.tt/33Co5oP