सोन्याच्या किंमतींवर दबाव ; जाणून घ्या आज कितीने स्वस्त झाले सोने!

मुंबई : कमॉडिटी बाजारात शुक्रवारी सोने आणि चांदीवरील दबाव कायम आहे. मल्टी कमॉडिटी एक्सचेंजवर सकाळी ११.३० मिनिटांनी सोन्याचा भाव प्रती १० ग्राम ५०६०९ रुपये झाला आहे. त्यात १०३ रुपयांची घसरण झाली आहे. चांदीचा भाव एक किलोला ६१६२९ रुपये झाला असून त्यात ९४ रुपयांची वाढ झाली आहे. करोनाची दुसरी लाट आणि अमेरिकेतील निवडणूक घडामोडी यामुळे सोने आणि चांदीवरील दबाव कायम आहे. करोना मदतीसाठीच्या नव्या विधेयकाबाबत आशा वाढल्याने सोने, बेस मेटल आणि कच्च्या तेलाच्या दरांना आधार मिळाला, तर डॉलरचे अवमूल्यन झाले. चीनमधील वाढीव औद्योगिक कामकाजामुळेही बेस मेटल आणि कच्च्या तेलाच्या किंमतींत सुधारणा झाल्याचे एंजल ब्रोकिंग लिमिटेडचे गैर कृषी वायदा व चलन संशोधन उपाध्यक्ष प्रथमेश माल्या यांनी सांगितले. डॉलरचे मूल्य घसरल्याने सोन्याने ०.५ टक्के नफा मिळवला व ते १९००.९ डॉलर प्रतीऔंसवर बंद झाला. जागतिक अर्थव्यवस्थेतील सुधारणांमुळे सुरक्षित मालमत्ता असलेल्या सोन्याकडे आणखी कल वाढला. सोन्याच्या दरातील नफ्यामागे बरीच कारणे आहेत. अमेरिकेतील राजकीय अनिश्चितता आणि त्यामुळे घसरलेले डॉलरमूल्य हेही कारण आहे. यूएस हाऊस स्पीकर नँसी पेलोसी यांनी नव्या कोरोनाविषाणू मदत विधेयकाबाबत आशावाद दर्शवल्याने पिवळ्या धातूच्या दरांना आणखी आधार मिळाला. चीनमधील अर्थव्यवस्थेला सप्टेंबर २०२० मध्ये गती मिळाल्याने सोन्याच्या दरातील नफा मर्यादित राहिला. चीनने औद्योगिक कामकाज वाढवल्याने विदेशी मागणीतही वृद्धी दिसली व सुधारणेत संतुलन आले. यामुळे गुंतवणुकदारांमधील जोखिमीची भूक वाढली. अमेरिकेच्या अतिरिक्त कोरोना मदत निधीबाबत अनिश्चिततेमुळे डॉलरला आधार मिळाला. goodreturns या वेबसाईटनुसार शुक्रवारी मुंबईत २२ कॅरेट सोन्याचा भाव ४९५६० रुपये आहे. २४ कॅरेटसाठी तो ५०५६० रुपये आहे. दिल्लीत २२ कॅरेट सोन्याचा भाव ४९२७० रुपये आहे. तर २४ कॅरेटसाठी तो ५३७५० रुपये आहे. कोलकात्यात २२ कॅरेट सोन्याचा भाव ४९७५० रुपये आहे. तर २४ कॅरेटसाठी तो ५२७७० रुपये आहे. चेन्नईत २२ कॅरेट सोन्याचा भाव ४८३६० रुपये आहे. तर २४ कॅरेटसाठी तो ५२७६० रुपये आहे. आर्थिक वर्ष २०२०-२१मधील सार्वभौम सुवर्णरोख्यांमध्ये आज १६ ऑक्टोबरपर्यंत गुंतवणुकीची संधी मिळणार आहे. या योजनेंतर्गत प्रति ग्रॅम सोन्याची किंमत ५,०५१ रुपये इतकी निर्धारित करण्यात आली आहे. या गुंतवणुकीसाठी जे गुंतवणूकदार ऑनलाइन अर्ज करतील आणि डिजिटल पेमेंट करतील त्यांना प्रति ग्रॅम ५० रुपयांची सवलत मिळणार आहे.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/2H5aOfw