निस्तेज डोळ्यांत हवी आहे एक नवी चमक? मग स्वयंपाकघरातील सामग्रीचा वापर करुन करा ‘हे’ साधेसोपे उपाय!

डोळ्यांमध्ये वेदना, जडपणा, पाणी येणं, डोळे चुरचूरणं यासारख्या समस्या उद्भवणं हल्ली सामान्य झालं आहे. कारण हल्लीची पिढीचा कामानिमित्त आणि त्यानंतर टाईमपास म्हणून २४ तास मोबाईल, लॅपटॉप, संगणक यावरील स्क्रिन टाईम प्रचंड वाढला आहे. पण डोळ्यांमधील वेदना इतक्या त्रासदायक असतात की यामुळे इतर कोणत्याही कामावर फोकस करणं कठीण होऊन जातं. डोळे हा आपल्या शरीरातील सर्वात महत्त्वाचा आणि नाजूक अवयव आहे. शरीराच्या इतर अवयवांची आपण जशी जीवापाड काळजी घेतो तशीच डोळ्यांची निगा राखणं सुद्धा अत्यंत गरजेचं असतं. या सुंदर डोळ्यांमुळे आपण जगातील सुंदरता पाहू शकतो आणि दृष्टिच व्यवस्थित नसेल तर या सृष्टिचा आनंद कसा लुटता येईल? शिवाय डोळ्यांची सुंदरता आपल्या सौंदर्यात भर घालत असते. त्यामुळे निस्तेज, थकलेले, काळी वर्तुळ आलेले, कोरडे पडलेले, लाल झालेले डोळे आपल्या सौंदर्यात बाधा आणतात. शिवाय जीवघेण्या वेदना होतात त्या वेगळ्याच! सध्या लॉकडाऊनमुळे वर्क फ्रॉम होम करणा-यांची व लहान मुलांना मोबाईलवर गेम खेळण्याची सवय झालेली आहे व ही सवय डोळ्यांना मात्र चांगलीच गोत्यात आणते आहे. तुम्हाला देखील डोळ्यांच्या समस्यांतून जावं लागत असेल तर स्वयंपाकघरात आढळणा-या सामग्रीपासून खाली दिलेले साधेसोपे घरगुती उपाय तुम्ही ट्राय करु शकता. चला तर जाणून घेऊया त्या उपायांबद्दल!

संध्याकाळपर्यंत डोळे पूर्ण थकून जात असतील आणि त्यामुळे डोकेदुखी देखील सुरु होत असेल तर खाली दिलेले घरगुती उपचार तुमच्या भरपूर कामी येऊ शकतात.

डोळ्यांमध्ये वेदना, जडपणा, पाणी येणं, डोळे चुरचूरणं यासारख्या समस्या उद्भवणं हल्ली सामान्य झालं आहे. कारण हल्लीची पिढीचा कामानिमित्त आणि त्यानंतर टाईमपास म्हणून २४ तास मोबाईल, लॅपटॉप, संगणक यावरील स्क्रिन टाईम प्रचंड वाढला आहे. पण डोळ्यांमधील वेदना इतक्या त्रासदायक असतात की यामुळे इतर कोणत्याही कामावर फोकस करणं कठीण होऊन जातं. डोळे हा आपल्या शरीरातील सर्वात महत्त्वाचा आणि नाजूक अवयव आहे. शरीराच्या इतर अवयवांची आपण जशी जीवापाड काळजी घेतो तशीच डोळ्यांची निगा राखणं सुद्धा अत्यंत गरजेचं असतं.

या सुंदर डोळ्यांमुळे आपण जगातील सुंदरता पाहू शकतो आणि दृष्टिच व्यवस्थित नसेल तर या सृष्टिचा आनंद कसा लुटता येईल? शिवाय डोळ्यांची सुंदरता आपल्या सौंदर्यात भर घालत असते. त्यामुळे निस्तेज, थकलेले, काळी वर्तुळ आलेले, कोरडे पडलेले, लाल झालेले डोळे आपल्या सौंदर्यात बाधा आणतात. शिवाय जीवघेण्या वेदना होतात त्या वेगळ्याच! सध्या लॉकडाऊनमुळे वर्क फ्रॉम होम करणा-यांची व लहान मुलांना मोबाईलवर गेम खेळण्याची सवय झालेली आहे व ही सवय डोळ्यांना मात्र चांगलीच गोत्यात आणते आहे. तुम्हाला देखील डोळ्यांच्या समस्यांतून जावं लागत असेल तर स्वयंपाकघरात आढळणा-या सामग्रीपासून खाली दिलेले साधेसोपे घरगुती उपाय तुम्ही ट्राय करु शकता. चला तर जाणून घेऊया त्या उपायांबद्दल!

संवेदनशीलता वाढते

तुम्हालाही ही गोष्ट जाणवली असेल की जेव्हा डोळ्यांत वेदना आणि थकवा असतो तेव्हा आपले डोळे उजेडाप्रती अधिक संवेदनशील बनतात. यावेळी आपल्या डोळ्यांना तीव्र प्रकाश अजिबात सहन होत नाही. डोळ्यांची वेदना एकटीच येत नाही तर डोकेदुखी व डोकं जड होणं यासारख्या समस्याही सोबत घेऊन येते. कधी कधी या वेदना वाढून कानाच्या आजुबाजूचा भाग आणि मानेच्या भागापर्यंत पोहचतात आणि तो भाग देखील दुखू लागतो.

(वाचा :-

शरीरासारखीच चरबी लिवरवर वाढून देऊ शकते गंभीर आजारांना निमंत्रण, असं ठेवा आपलं लिवर निरोगी!

)

डोळ्यांच्या वेदनेपासून मुक्ती मिळवण्यासाठी उपाय

काही घरगुती उपचार करुन तुम्ही डोळ्यांतील वेदना व थकवा यावर मात करु शकता. यासाठी सर्वप्रथम तोंडात पाणी भरा आणि हे पाणी काही वेळ तोंडात तसंच धरुन ठेवा. तोंडात पाणी धरलेलं असतानाच अलगद डोळ्यांवर थंड पाण्याचा फवारा मारा. असं दिवसातून तीन ते चार वेळा करा. अशाप्रकारे डोळ्यांवर थंड पाणी मारल्यावर तुम्हाला डोळेदुखीपासून लगेचच आराम मिळेल आणि ताजतवाणंही वाटू लागेल.

(वाचा :-

नाश्त्यातील बटाट्याची कमतरता पूर्ण करतात ‘हे’ पौष्टिक व स्वादिष्ट पदार्थ!

)

सूती कपड्याचा वापर करा

एक स्वच्छ सूती कापड घ्या. कापड हलक्या रंगाचा असेल तर उत्तम! जर सफेद रंगाचा एखादा सूती कपडा किंवा रुमाल असेल तर खूपच चांगलं होईल. आता एका बाऊलमध्ये स्वच्छ आणि ताजं पाणी घ्या. या ताज्या पाण्यात अर्धा ग्लास फ्रिजचं थंड पाणी मिक्स करा. यासोबत थंड पाण्यात एक चमचा गुलाबजल मिसळा. आता या थंड पाण्यात सूती रुमाल बुडवून हलक्या हातांनी पिळून डोळ्यांवर ठेवा आणि आडवे झोपा. ५-५ मिनिटांसाठी दोन ते तीन वेळा अशा पट्ट्या डोळ्यांवर ठेवा. प्रत्येक वेळी रुमाल पाण्यात भिजवून पिळून डोळ्यांवर ठेवा. यामुळे डोळ्यांना थंडावा मिळून वेदनेपासून मुक्ती मिळेल.

(वाचा :-

Navratri 2020 :- नवरात्रीच्या उत्साहामध्ये करु नका आरोग्याकडे दुर्लक्ष, या टिप्स फॉलो करुन राहा स्लिम व फिट!

)

तुळशीचे पाणी

डोळ्यांना थंडावा व फ्रेशनेस देण्यासाठी तुळशीची आणि पुदीन्याची पाने सर्वोत्तम मानली जातात. रात्री झोपण्यापूर्वी एका वाटीत तुळशीची आणि पुदीन्याची काही पाने (७ ते ८) भिजवून ठेवा. सकाळी उठून सूती रुमाल त्या पाण्यात भिजवून डोळ्यांवर ठेवा आणि थोड्या थोड्या वेळाने रुमाल पाण्यात भिजवून फ्रेश करत राहा. असं केल्याने डोळे दिवसभर फ्रेश राहतील आणि कोणत्याही थकव्याशिवाय तुम्ही दिवसभर लॅपटॉप किंवा मोबाईलवर काम करु शकाल. जर तुमच्याकडे सकाळी सकाळी हा उपाय करण्यासाठी वेळ नसेल तर सकाळी पाने पाण्यात भिजत ठेवा आणि संध्याकाळी ऑफिसमधून घरी आल्यानंतर किंवा काम संपल्यानंतर या पाण्याचा वापर करा.

(वाचा :-

जगात आढळतात साडेसात हजार प्रकारची सफरचंद! जाणून घ्या त्यातील ८ प्रसिद्ध सफरचंदांचे लाभ व गुणधर्म

)

थंड दूध आणि काकडी

डोळ्यांवरचा ताण हलका करण्यासाठी त्यावर थंड दूधात भिजवलेले कापसाचे बोळे ठेवावेत. 4-5 मिनिटांनी तुम्हांला रिलॅक्स वाटेल. तुम्ही कामावर असाल तर थंड दुधाऐवजी पाण्याचा वापर करू शकता. थंडाव्यामुळे रक्तवाहिन्या मोकळ्या होण्यास मदत होते. तसेच ताणामुळे आलेली सूज कमी होण्यास मदत होते. एका वाटीत एक चमचा टॉमेटोचा रस आणि अर्धा चमचा लिंबाचा रस मिसळा. दोन्ही सामग्री व्यवस्थित मिक्स करून घ्या. कापसाच्या बोळ्याने हे मिश्रण डोळ्यांखालच्या काळ्या झालेल्या वर्तुळांना लावा. 10 मिनिटे हे तसंच राहू द्या त्यानंतर कोमट पाण्याने चेहरा धुवून घ्या. यामुळे डोळे थंडही होतील व काळी वर्तुळेही दूर होतील.

(वाचा :-

हे एक असं स्वस्त व मस्त होममेड बटर आहे जे तुमचं हृदय ठेवतं तंदुरुस्त!

)

from Lifestyle Tips in Marathi, Tips for Healthy Lifestyle in Marathi, Health Tips & Latest Fashion Trend - जीवनशैली टिप्स, निरोगी जीवनशैली टिप्स, सौंदर्य टिप्स, लाइफस्टाइल टिप्स https://ift.tt/2H6SVNM