इंधन दर ; पेट्रोल-डिझेलबाबत कंपन्यांनी घेतला हा निर्णय

मुंबई : कच्च्या तेलाचा जगातील तिसरा मोठा ग्राहक असेलल्या भारतात करोनाने कहर केला आहे. अनेक राज्यांमध्ये निर्बंध कठोर करण्यात आले असून यामुळे इंधन मागणीवर परिणाम होण्याची शक्यता आहे. दरम्यान, आज सलग आठव्या दिवशी पेट्रोलियम कंपन्यांनी पेट्रोल आणि डिझेल जैसे थेच ठेवण्याचा निर्णय घेतला आहे. पेट्रोलियम कंपन्यांनी आज शुक्रवारी इंधन दरात कोणताही बदल केला नाही. सलग आठव्या दिवशी देशातील प्रमुख शहरांत पेट्रोल आणि स्थिर आहे. आज मुंबईत पेट्रोलचा भाव ९६.८२ रुपयांवर स्थिर आहे. डिझेलचा भाव ८७.८१ रुपये आहे. दिल्लीत आज एक लीटर पेट्रोल ९०.४० रुपये आहे. डिझेलचा भाव ८०.८३ रुपये झाला आहे. चेन्नईत आजचा पेट्रोलचा भाव ९२.४३ रुपये झाला आहे. डिझेलसाठी ८५.७३ रुपये भाव आहे. कोलकात्यात आज पेट्रोलचा भाव ९०.६२ रुपये झाला आहे. डिझेलचा भाव ८३.६१ रुपये आहे. बंगळुरात पेट्रोल ९३.४३ रुपये असून डिझेल ८५.६० रुपये झाला आहे. मध्य प्रदेशातील भोपाळमध्ये आतापर्यंतचा डिझेलचा सर्वाधिक ८८.९८ रुपयांचा विक्रमी दर आहे. तर ९८.४१ रुपये आहे. सहा दिवसांपूर्वी पेट्रोल १६ पैसे आणि डिझेल १४ पैशांनी स्वस्त झाले होते. देशातील एकूण करोनाबाधित रुग्णांची संख्या १ कोटी ५९ लाख ३० हजार ९६५ वर पोहचलीय. तर आतापर्यंत देशात एकूण १ लाख ८४ हजार ६५७ नागरिकांनी करोनामुळे आपले प्राण गमावले आहेत. सध्या देशात २२ लाख ९१ हजार ४२८ रुग्णांवर उपचार सुरू आहेत. या रुग्णांवर रुग्णालयात उपचार सुरू आहेत किंवा हे रुग्ण डॉक्टरांच्या निर्देशावर आपल्या घरीच आयसोलेशनमध्ये राहून उपचार घेत आहेत. स्थानिक पातळीवर कर, व्हॅट आणि इतर शुल्कामुळे शहरामध्ये पेट्रोल आणि डिझेल दर वेगवेगळे आहेत. दरम्यान, जागतिक बाजारात कच्च्या तेलाच्या किमतीत मात्र घसरण सुरूच आहे. यूएस डब्ल्यूटीआय क्रूडचा भाव ६१.४३ डॉलर प्रती बॅरल झाला आहे. त्यात १.०१ डॉलरची घसरण झाली. तर ब्रेंट क्रूडचा भाव ६५.४० डॉलर प्रती बॅरल झाला असून त्यात ०.८२ डॉलरची घसरण झाली.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/3nbKyks