टाटा ग्रुप सरसावला ; ऑक्सिजन पुरवठ्यासाठी घेतला हा निर्णय, पंतप्रधानांनी केलं कौतुक

मुंबई : करोनाची दुसरी लाट दिवसागणिक कहर करत आहे. दैनंदिन रुग्णसंख्या तीन लाखांच्या उंबरठ्यावर पोहोचली आहे. या दरम्यान निर्माण झालेल्या ऑक्सिजन तुटवडा भरून काढण्यासाठी आता बडे उद्योग समूह पुढे सरसावले आहेत. रिलायन्स इंडस्ट्रीजनंतर आता टाटा समूहाने ऑक्सिजन पुरवठ्यासाठी पुढाकार घेतला आहे. ऑक्सिजन पुरवठ्यासाठी चार्टर्ड फ्लाईट्सने आयात करणार आहे. टाटा समूह चार्टर्ड फ्लाईट्सने २४ क्रायोजेनिक कंटेनर आयात करणार आहे. यातून ऑक्सिजनचा पुरवठा देशभरातील कोव्हीड सेंटर आणि रुग्णालयाना करणे सोपे होणार आहे. याबाबत टाटा समूहाने ट्विट करून माहिती दिली आहे. ऑक्सिजन उपलब्ध करण्यासाठी टाटा स्टीलने देखील ऑक्सिजनचा औद्योगिक वापर कमी करून तो वैद्यकीय उपयोगासाठी राखून ठेवला आहे. ऑक्सिजनचा पुरवठा सुरळीत होण्यासाठी एका टास्क फोर्सची स्थापना करण्यात आली आहे. ही टास्क फोर्स वैद्यकीय क्षेत्राची मागणी आणि त्याची पूर्तता पूर्तता करण्यावर देखरेख करेल, असे टाटा समूहाने म्हटलं आहे. करोनाशी लढण्यासाठी आरोग्य सेवेतील कर्मचारी आणि नागरिकांना प्रशिक्षण देण्यात येणार असल्याचे टाटा समूहाने म्हटलं आहे. गेल्या वर्षी टाटा समूहाने करोना रिलीफ फंडासाठी १५०० कोटींचे योगदान दिले होते. त्याशिवाय मुंबई आणि इतर शहरांमध्ये टाटा समूहाने पंचतारांकित हॉटेल्स करोना योद्धे आणि करोनाबाधितांसाठी क्वारंटाइन सेंटर म्हणून उपलब्ध करून दिली होती. काल मंगळवारी रात्री यांनी देशाला संबोधित केले. करोना संकटात सर्वांनी मिळून काम करायला असे आवाहन केले होते. या आवाहनाला प्रतिसाद देत टाटा समूहाने काल रात्रीच ऑक्सिजन वाहतुकीसाठी क्रायोजेनिक कंटेनर आयात करण्याची घोषणा केली होती. टाटा समूहाच्या या निर्णयानंतर पंतप्रधान मोदी यांनी टाटा समूहाचे कौतुक केले होते. रात्री ११.१५ वाजता पंतप्रधान नरेंद्र मोदी यांनी ट्विट करून टाटा समूहाचे आभार मानले.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/3sAgRuz