राजधानी दिल्लीत आज रात्रीपासून आठवड्याभराचा लॉकडाऊन

नवी : अतिशय घातक करोना संक्रमणाच्या पार्श्वभूमीवर हानी टाळण्यासाठी राजधानी दिल्लीत पुन्हा एकदा लॉकडाऊनचं चित्रं दिसणार आहे. दिल्लीत आज रात्रीपासून पुढच्या सोमवार सकाळपर्यंत जाहीर करण्यात आलाय.मुख्यमंत्री यासंदर्भात औपचारिक घोषणा केली आहे. आज रात्रीपासून नागरिकांना सक्तीनं लॉकडाऊनचं पालन करावं लागणार आहे. त्यामुळे, नागरिकांना २६ एप्रिलपर्यंत घरातच राहावं लागेल. दिल्लीत यापूर्वी विकेन्ड कर्फ्यू जाहीर करण्यात आला होता. शहरात केवळ १०० हून कमी आयसीयू बेड उरल्याचं मुख्यमंत्री अरविंद केजरीवाल यांनी म्हटलं होतं. केंद्र सरकारच्या रुग्णालयांतील ७००० बेड कोव्हिड रुग्णांसाठी रिझर्व्ह करण्याची मागणी करत अरविंद केजरीवाल यांनी पंतप्रधान नरेंद्र मोदींना एक पत्रंही लिहिलं आहे. रुग्णांच्या वाढलेल्या संख्येमुळे दिल्लीमध्ये आरोग्य सुविधा अपुऱ्या पडत आहेत. अनेक ठिकाणी बेडस उपलब्ध नाहीत तर काही ठिकाणी ऑक्सिजन वेळेवर उपलब्ध होऊ शकलेलं नाही. यामुळे दिल्ली सरकारनं एका कंट्रोल रुमचीही स्थापना केलीय. हा कंट्रोल रुम ऑक्सिजन, रेमडेसिविर पुरवठ्याच्या डाटावर नियंत्रण ठेवणार आहे. सरकारनं यासाठी एका विभागीय अधिकाऱ्याचीही नियुक्ती केली आहे. दिल्लीची परिस्थिती लक्षात घेता संरक्षण संशोधन आणि विकास संस्था (DRDO)नंही प्रशासनाला मदत करण्याचा प्रयत्न केलाय. डीआरडीओकडून सरदार पटेल कोव्हिड रुग्णालय उभारण्यात आलंय. इथे सध्या ५०० बेडसची व्यवस्था करण्यात आलीय. इथे ऑक्सिजन आणि वातानुकुलित रुमची सुविधा उपलब्ध करून देण्यात आलीय. काही दिवसांत इथे आणखीन बेडस् वाढवण्यात येणार आहेत. रविवारी दिल्लीत एका दिवसात सर्वाधिक २५ हजार ४६२ रुग्ण आढळले आहेत. सोबतच दिल्लीतील पॉझिटिव्हिटी रेट ३० टक्क्यांवर पोहचलाय. याचाच अर्थ दिल्लीत प्रत्येक तिसरा नागरिक संक्रमित आढळत आहे. कुंभात सहभागी झालेल्या नागरिकांसाठी सूचना हरिद्वारमधील कुंभमेळ्यात सहभागी होऊन परतणाऱ्यांना १४ दिवस क्वारंटाईन होणं दिल्ली सरकारनं बंधनकारक केलं आहे. यासंदर्भात दिल्ली डिझास्टर मॅनेजमेंट अथॉरिटीनं आदेशही जाहीर केला आहे. तसंच ४ एप्रिलपासून आतापर्यंत कुंभात सहभागी झालेल्या किंवा १८ एप्रिल ते ३० एप्रिलपर्यंत कुंभात सहभागी होण्याचा बेत असेल तर अशा नागरिकांना आदेशानंतर २४ तासांच्या आत www.delhi.gov.in या वेबसाईटवर आपली माहिती अपलोड करावी लागणार आहे.

from India News in Marathi: Breaking News India in Marathi | Maharashtra Times https://ift.tt/3apwbDY