डॉक्टरांच्या सतर्कतेमुळं अमरावतीमध्ये टळली नाशिक दुर्घटनेची पुनरावृत्ती

जयंत सोनोने । नाशिक येथील डॉ. झाकीर हुसेन रुग्णालयात ऑक्सिजन गळती झाल्यानं २४ रुग्णांचा ऑक्सिजनअभावी तडफडून मृत्यू झाल्याची घटना ताजी असताना अमरावतीमध्ये अशा दुर्घटनेची पुनरावृत्ती टळली आहे. त्यामुळं प्रशासनानं सुटकेसा नि:श्वास टाकला आहे. अमरावती येथील डॉ. पंजाबराव देशमुख वैद्यकीय महाविद्यालय व रुग्णालयात अतिरिक्त कोविड सेंटर सुरू करण्यात आलं आहे. येथे करोना रुग्णांवर उपचार करण्यात येतात. बुधवारी सायंकाळच्या सुमारास इथं धावपळ झाल्याची चर्चा होती. अर्थात, तसं काहीही झालं नसल्याचं रुग्णालय प्रशासनानं स्पष्ट केलं होतं. मात्र, गुरुवारी पालकमंत्री अॅड. व जिल्हाधिकारी शैलेश नवल यांनी रुग्णालयाच्या ऑक्सिजन प्लांटची व इतर व्यवस्थेची पाहणी केल्यानंतर हा प्रकार समोर आला. वाचा: मिळालेल्या माहितीनुसार, रुग्णालयातील ऑक्सिजन संपत आल्यानं प्रशासनाच्या वतीनं एका कंपनीकडून ऑक्सिजनची मागणी करण्यात आली होती. बुधवारी सकाळी ऑक्सिजन पुरवठा होणे अपेक्षित होते. मात्र ऑक्सिजन टँकर येण्यासाठी उशीर झाल्यानं रुग्णालयात मोठी तारांबळ उडाली होती. येथील वैद्यकीय अधिकारी व कर्मचाऱ्यांनी तात्काळ निर्णय घेऊन ऑक्सिजनची आवश्यकता असलेल्या रुग्णांना सुपर स्पेशालिटी रुग्णालयात हलविलं. डॉक्टर व आरोग्य कर्मचाऱ्यांनी दाखवलेल्या सर्तकतेमुळं मोठा अनर्थ टळला. वाचा:

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3gz6s02