लोकप्रतिनिधी करोनाच्या विळख्यात; भाजप आमदाराला लागण

मुंबईः राज्यात आता अधिकाअधिक घट्ट होत आहे. बुधवारी राज्यात ५८ हजार ९५२ इतके नवीन रुग्ण सापडले होते. राज्यात करोनाचा उद्रेक वाढत असताना राजकीय नेत्यांनाही करोनाची लागण होत आहे. भाजपचे नेते यांनाची करोनाची बाधा झाल्याचं समोर आलं आहे. तर, एकीकडे शिवसेनेचे खासदार श्रीकांत शिंदे यांना दुसऱ्यांदा करोनानं गाठलं आहे. दैनंदिन कामकाजामुळं होणारा प्रवास आणि लोकांशी येणारा संपर्क यामुळं लोकप्रतिनिधींना संसर्गाचा धोका अधिक आहे. राज्यातील प्रत्येक मंत्री व अन्य लोकप्रतिनिधी करोनाची काळजी घेताना दिसतात. असं असतानाही लोकप्रतिनिधींना संसर्ग होण्याचं प्रमाण वाढलं आहे. त्यातच आता भाजप नेते आशिष शेलार आणि खासदार श्रीकांत शिंदे यांचाही अहवाल पॉझिटिव्ह आला आहे. आशिष शेलार यांना बुधवारी करोनाची लागण झाल्याची माहिती समोर येत आहे. रात्री उशीरा त्यांनी त्यासंदर्भात ट्वीट केलं आहे. 'माझी कोविड १९ चाचणी पॉझिटिव्ह आली आहे. मी औषधोपचार घेत असून माझ्या संपर्कात आलेल्यांनी स्वतःला आयसोलेट करावे व वैद्यकीय सल्ला घ्यावा. मी माझ्या कार्यालयामार्फत मुंबईकरांच्या मदतीसाठी उपलब्ध आहे,' असं शेलार यांनी म्हटलं आहे. तसंच, शिवसेनेचे खासदार श्रीकांत शिंदे यांनाही दुसऱ्यांदा करोनानं गाठलं आहे. त्यांनी ट्विटरच्या माध्यमातून माहिती दिली आहे. 'आज पुन्हा माझी करोना चाचणी पॉझिटिव्ह आली असून डॉक्टरांच्या सल्ल्याने वैद्यकीय उपचार सुरु आहेत. माझी प्रकृती उत्तम असून सर्वांच्या आशीर्वादाने लवकरच आपल्या सेवेत हजर होईन. गेल्या काही दिवसात माझ्या संपर्कात आलेल्यांनी योग्य ती काळजी घ्यावी. लक्षणे दिसल्यास तात्काळ करोना चाचणी करावी,' असं आवाहन त्यांनी केलं आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3ejh8gz