जामीन मंजूर झाल्यानंतरही लालूंची अजूनही सुटका झाली नाही कारण...

रांची : प्रमुख यांना चारा घोटाळ्याप्रकरणी १७ एप्रिल रोजी झारखंड उच्च न्यायालयाकडून करण्यात आला होता. यानंतर ११ दिवस उलटले तरीही अद्याप होऊ शकलेली नाही. करोना संक्रमण काळात उद्भवलेल्या परिस्थितीमुळे लालूंची आणखीन आठवडाभर तरी सुटका होणार असं दिसत नाही. उल्लेखनीय म्हणजे, लालू प्रसाद यादव अजूनही न्यायालयीन कोठडीत असले तरी, सध्या त्यांच्यावर एम्स रुग्णालयात उपचार सुरू आहेत. बार काऊन्सिलचा निर्णय दुसरीकडे, सध्या झारखंड स्टेट बार काऊन्सिलनं वकिलांना न्यायालयात दाखल होण्यासाठी बंदी घातलीय. करोना संक्रमणकाळात रुग्णांची संख्या सातत्यानं वाढत असताना झारखंड स्टेट बार काऊन्सिलनं हा निर्णय घेतलाय. आता, ३ मे रोजी झारखंड स्टेट बार काऊन्सिलमध्ये अधिवक्ते दाखल होऊ शकतात, असं सांगितलं जातंय. त्यामुळे त्यानंतर लालूंची अधिकृतरित्या कोठडीतून सुटका होऊ शकते. १७ एप्रिल रोजी न्यायमूर्ती अपरेश कुमार सिंह यांनी लालूंच्या जामीन याचिकेवर निर्णय सुनावला होता. यानंतर, १९ एप्रिल रोजी रांची विशेष सीबीआय न्यायालयाद्वारे लालूंची सुटका करता येईल, असं लालूंचे वकील देवर्षी मंडल यांचं म्हणणं होतं. परंतु, ही प्रक्रिया पूर्ण होण्यापूर्वीच १८ एप्रिल रोजी झारखंड स्टेट बार काऊन्सिलची एक बैठक पार पडली. या बैठकीत सध्या कुणीही वकील कोर्टात दाखल होणार नाही, असा निर्णय घेण्यात आला. त्यांतर २५ एप्रिल रोजी हे निर्बंध २ मेपर्यंत वाढवण्यात आले होते. सीबीआय कोर्टात दाखल करणार अर्ज लालूंच्या वकिलांच्या म्हणण्यानुसार, लालूंची सही असलेला एक अर्ज सीबीआय कोर्टात दाखल केला जाईल. अर्जावर हस्ताक्षर असल्यानं लालूंना सीबीआय कोर्टासमोर स्वत: उभं राहण्याची गरज लागणार नाही. यानंतर सीबीआय कोर्टाकडून लालूंची कॉपी बिरसा मुंडा तुरुंगाकडे आणि अखेरीस तिहार तुरुंगाकडे धाडण्यात येईल. जामिनाची प्रक्रिया पूर्ण झाल्यानंतरही लालूंना देश मात्र सोडता येणार नाही. कोर्टाकडून लालूंचा पासपोर्ट मागवण्यात आला आहे. तसंच जामिनाच्या काळात लालूंना आपला पत्ता किंवा मोबाईल क्रमांक बदलण्याची परवानगी नसेल. चारा घोटाळ्याशी संबंधित इतर प्रकरणांत लालूंना याअगोदरच जामीन मंजूर करण्यात आला आहे. दुमका प्रकरणात त्यांना आधीच जामीन मिळाल्यानं तुरुंगातून बाहेर पडण्याचा त्यांचा मार्ग मोकळा झालाय.

from India News in Marathi: Breaking News India in Marathi | Maharashtra Times https://ift.tt/2S7RwLT