लॉकडाउनच्या धास्तीने सोने महागले ; महिनाभरात झाली मोठी वाढ, जाणून घ्या आजचा भाव

मुंबई : करोनाने देशात कहर केला असून कमॉडिटी बाजारात सोने आणि चांदीच्या किमतीत मोठी वाढ झाली आहे. गेल्या आठ्वड्यात नफेखोरीची झळ बसलेल्या सोने आणि चांदीमध्ये मात्र दोन सत्रात वाढ झाली आहे. सोने ४८००० रुपयांवर ट्रेड करत असून चांदीने ७० हजारांचा टप्पा ओलांडला आहे. जागतिक बाजारातील किंमतींचा विचार करता चालू एप्रिल महिन्यात सोने तब्बल ४००० रुपयांनी महागले आहे. वाचा : आज गुरुवारी कमॉडिटी बाजारात सोने आणि चांदीचा दर स्थिर आहे. सध्या सोन्याचा भाव प्रती १० ग्रॅम ४८२०० रुपये असून त्यात २८ रुपयांची घसरण झाली आहे. तत्पूर्वी सोन्याचा भाव ४८१८३ रुपयांपर्यंत खाली आला होता. 'एमसीएक्स'वर एक किलो ७०२४९ रुपये असून त्यात ८९ रुपयांची घसरण झाली. मल्टी कमॉडिटी एक्सचेंजमध्ये शुक्रवारी आणि सोमवारी सोन्याच्या किमतीत वाढ झाली होती. सोमवारी सोने ४९००० रुपयांच्या नजीक पोहोचले होते. बुधवारी एमसीएक्सवर सोन्याचा भाव ३४३ रुपयांनी वधारला आणि ४८२०० रुपयांवर गेला. चांदीमध्ये १६१५ रुपयांची वाढ झाली होती. एक किलो चांदीचा भाव ७०३६० रुपये झाला. Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४५२१० रुपये आहे तर २४ कॅरेटचा भाव ४६२१० रुपये आहे. दिल्लीत आजचा २२ कॅरेट सोन्याचा भाव ४६६०० रुपये झाला आहे. २४ कॅरेटसाठी सोन्याचा भाव ५०८२० रुपये आहे. आज चेन्नईत २२ कॅरेटसाठी ४५०७० रुपये तर २४ कॅरेट सोन्याचा भाव ४९१७० रुपये आहे. कोलकात्यात २२ कॅरेट सोन्याचा भाव ४७००० रुपये असून २४ कॅरेट सोन्याचा भाव ५०००० रुपये आहे. जागतिक बाजारात स्पॉट गोल्डचा भाव ०.२ टक्क्यांनी घसरला आहे. सोन्याचा भाव प्रती औंस १७६६.३२ डॉलर झाला आहे. यूएस गोल्ड फ्युचरच्या भावात घसरण झाली आहे. यूएस गोल्ड फ्युचरचा भाव १७६६.१० डॉलर असून त्यात ०.३ टक्के घसरण झाली आहे. चांदीचा भाव प्रती औंस ०.२ टक्क्याची घसरण झाली असून २५.७५ डाॅलर झाला आहे. करोना संकटाच्या तीव्रतेने जागतिक बाजारात देखील आहे. स्पॉट गोल्डचा भाव ०.१ टक्क्यांनी वधारला असून तो १७७८.१९ डॉलर प्रती औंस झाला आहे. यूएस बॉण्ड यिल्डमध्ये घसरण झाल्याने सोने महाग झाले आहे. चांदीचा भाव प्रती औंस ०.१ टक्क्याने वधारून २५.८९ डॉलर झाला आहे. देशात करोना संसर्गाने चिंता वाढवली आहे. करोनाचा प्रादुर्भाव आता अतिशय झपाट्याने वाढत असल्याचं आकडेवारीवरून समोर येत आहे. आता बुधवारी देशात करोनाचे ३ लाखांहून अधिक नवीन रुग्ण आढळून आले आहेत. तसंच २१०० हून अधिक जणांचा करोनाने मृत्यू झाला आहे. गेल्या ७ दिवसांत देशात १८ लाखांहून अधिक नागरिकांना करोनाचा संसर्ग झाला आहे.

from व्यवसाय बातम्या: Business News, Stock Market, GST, Real Estate | Maharashtra Times https://ift.tt/3tT2dQN