पत्नींसोबतचे 'ते' खासगी क्षण अॅपवर करायचा शेअर, दुसऱ्या पत्नीला समजले अन्

विदिशा: झटपट पैसे कमावण्यासाठी दोन्ही पत्नींसोबत सेक्सचे ऑनलाइन अॅपवर शेअर केल्याप्रकरणी मध्य प्रदेशातील विदिशात एका तरुणाला अटक केली आहे. या तरुणाचे फक्त दहावीपर्यंत शिक्षण झाले आहे. त्याचे दोन लग्न झाले आहेत. पैशांसाठी तो दोन्ही पत्नींसोबतचे सेक्सचे लाइव्ह व्हिडिओ विविध अॅपवर शेअर करत असल्याचे उघडकीस आले आहे. व्हिडिओ शेअर करून त्याने आतापर्यंत लाखो रुपये कमावले होते. त्याच्या एका पत्नीला ही बाब माहीत होती. मात्र, खूप पैसा मिळेल असे प्रलोभन दाखवल्यामुळे तिने विरोध केला नाही. मात्र, दुसऱ्या पत्नीला ही बाब समजल्यानंतर तिने पोलिसांत तक्रार दाखल केली. पोलिसांच्या माहितीनुसार, आरोपी तरुणाचे आधीच लग्न झाले होते. मात्र, अन्य एका तरुणीला त्याने भूलथापा देऊन दुसरे लग्न केले. लग्नानंतर तो पत्नीसोबतचे सेक्सचे व्हिडिओ ऑनलाइन प्लॅटफॉर्मवर विकायचा. मात्र, हा धक्कादायक प्रकार दुसऱ्या पत्नीच्या लक्षात आला. तिने विरोध दर्शवला आणि पोलिसांत तक्रार दाखल केली. विदिशातील सिव्हिल लाइन पोलिसांच्या माहितीनुसार, तरुणाने एका तरुणीला भूलथापा देत तिचे लैंगिक शोषण केले. तिच्यासोबत लग्न केले. पत्नीसोबतचे अश्लील व्हिडिओ ऑनलाइन अॅपवर विकू लागला. 'ऑनलाइन सेक्स' व्हिडिओच्या माध्यमातून त्याने लाखो रुपये कमावले. पीडित तरुणीने पोलिसांत तक्रार दाखल केल्यानंतर त्याची कृत्ये उघडकीस आली. पोलिसांनी तक्रारीच्या आधारे तरुणाला अटक केली आहे. तीन बँक खात्यांत सहा लाख रुपये पोलिसांच्या माहितीनुसार, आज्ञाराम कॉलनीत राहणाऱ्या चंद्रजीत अहिरवार आणि माधव यांना या प्रकरणी अटक करण्यात आली आहे. आरोपी तरुणाचे आधीच एक लग्न झाले आहे. मात्र, त्याने सोशल मीडिया साइटवरून भूलथापा देत एका तरुणीला प्रेमाच्या जाळ्यात ओढले आणि त्यानंतर तिच्याशी लग्न केले. एका अॅपवर तिच्यासोबतचे सेक्सचे व्हिडिओ शेअर केले. या माध्यमातून त्याने लाखो रुपये कमावले. त्याच्या तीन बँक खात्यांत सहा लाख रुपये जमा होते.

from India News in Marathi: Breaking News India in Marathi | Maharashtra Times https://ift.tt/2TmMgS2