coronavirus in india: देशात फक्त २९ दिवसांत वाढले ३० लाख नवे रुग्ण

नवी दिल्ली: भारतात गेल्या २९ दिवसांमध्ये करोनाची लागण () झालेले ३० लाखांहून अधिक रुग्ण आढळले आहेत. देशात ३० जानेवारीला पहिला कोविडचा () रुग्ण आढळला. त्यानंतर २१८ दिवसांमध्ये एकूण ३५ लाख लोकांना करोनाची लागण झाली. तर गेल्या फक्त २९ दिवसांमध्ये रुग्णसंख्या सुमारे ५० टक्क्यांनी वाढली. दरम्यान, आज रविवारी करोनाचे ७५ हजार ८२९ नवे रुग्ण आढळले असून देशात एकूण करोनाबाधित रुग्णांची संख्या ६५ लाखांच्या पुढे पोहोचली आहे. (3 million new cases of covid 19 have been reported in just 29 days) देशात दर ६ ते ७ दिवसांमध्ये करोनाचे पाच लाख रुग्ण आढळत आहेत. तर, सुरुवातीच्या काळात रुग्णांची संख्या एक लाखावरून पाच लाखांपर्यंत पोहचण्यास ३९ दिवस लागले होते. हळूहळू हा कालावधी घटत गेला. रुग्णांची संख्या ३० हून ३५ लाखांपर्यंत पोहोचल्यानंतर दर आठवड्याला किंवा त्याहून कमी कालावधीत पाच लाख नवे रुग्ण आढळत आहेत. तर रुग्ण बरे होण्याचा दर चांगला होत ५० लाखांच्या आसपास रुग्ण बरे झाले आहेत. आयसीएमआरने (ICMR) रविवारी सकाळी प्रसिद्ध केलेल्या आकडेवारीनुसार, गेल्या २४ तासांमध्ये देशात ७५ हजार ८२९ नवे रुग्ण आढळले असून गेल्या २४ तासांमध्ये ९४० रुग्णांचा मृत्यू झाला आहे. दिवसाला नवे रुग्ण वाढण्याची गती या संख्येवरून काहीशी कमी झाल्याचे स्पष्ट होत आहे. देशभरात आतापर्यंत करोनामुळे मृत्यू पावलेल्यांची संख्या १ लाखाहून अधिक झाली आहे. महाराष्ट्र, कर्नाटक, आंध्र प्रदेश आणि उत्तर प्रदेशात करोनाचे रुग्ण सर्वाधिक आहेत. महाराष्ट्रात रुग्णांची संख्या १५ लाखांच्या आसपास पोहोचली आहे. तर, उत्तर प्रदेशात चार लाखांहून अधिक लोकांना करोनाची लागण झाली आहे. एका महिन्यात पहिल्यांदाच हजारहून कमी मृत्यू देशात करोनाच्या नव्या रुग्णांचा आलेख चिंताजनक स्तरावर पोहोचला आहे. मात्र, रविवारी एक हजारांहून कमी मृत्यूंची नोंद झाली आहे. एका महिन्यात पहिल्यांदाच २४ तासांमध्ये एक हजारापेक्षा कमी मृत्यू झाले आहेत. तथापि, एका महिन्यात ३० हजार मृत्यू होणे हे महासाथीच्या आजाराचे गांभीर्य अधोरेखित करत असल्याचे विशेषज्ञांचे म्हणणे आहे. जगभरात करोनाचे सुमारे ३ कोटी ५० लाख एवढे रुग्ण आहेत. क्लिक करा आणि वाचा- अशी वाढली महासाथ १-५ लाख रुग्ण - ३९ दिवस ५-१० लाख रुग्ण- २० दिवस १०-१५ लाख रुग्ण- १२ दिवस १५-२० लाख रुग्ण- ९ दिवस २०-२५ लाख रुग्ण- ८ दिवस २५-३० लाख रुग्ण- ८ दिवस ३०-३५ लाख रुग्ण- ७ दिवस ३५-४० लाख रुग्ण- ६ दिवस ४०-४५ लाख रुग्ण- ६ दिवस ४५-५० लाख रुग्ण- ५ दिवस ५०-५५ लाख रुग्ण- ६ दिवस ६०-६५ लाख रुग्ण- ६ दिवस क्लिक करा आणि वाचा- क्लिक करा आणि वाचा-

from India News in Marathi: Breaking News India in Marathi | Maharashtra Times https://ift.tt/33rokmk