राजधानी दिल्लीतही विकेन्ड लॉकडाऊन; काय सुरू, काय बंद...

नवी : वाढत्या करोना संक्रमणाच्या पार्श्वभूमीवर राजधानी दिल्लीतही लावण्याचा निर्णय सरकार घेतलाय. अरविंद केजरीवाल यांनी उपराज्यपाल अनिल बैजल यांची भेट घेतल्यानंतर यासंबंधी घोषणा केली. शनिवारी आणि रविवारी अत्यावश्यक सेवा सोडून इतर गोष्टींवर बंदी राहणार आहे. यावेळी, मुख्यमंत्र्यांनी सर्वांना मास्कचा वापर करण्याचं तसंच सोशल डिस्टन्सिंगच्या नियमांचं पालन करण्याचं आवाहन केलं. विकेन्ड लॉकडाऊनमध्ये काय सुरू, काय बंद? - दिल्लीत शनिवारी आणि रविवारी संपूर्ण दिवसभर कर्फ्यू लागू राहील. ३० एप्रिलपर्यंत प्रत्येक आठवड्याला हा कर्फ्यू सुरू राहील - हा विकेन्ड कर्फ्यू शुक्रवारी रात्री १०.०० वाजता सुरू होईल तो सोमवारी सकाळी ६.०० वाजपेर्यंत चालेल - पाच दिवस लोकांनी काम करावं परंतु विकेन्डला मात्र घराबाहेर पडू नये. रुग्णालय, विमानतळ, बस स्टेशन, रेल्वे स्टेशन जाणाऱ्यांना विकेन्ड कर्फ्यू दरम्यान वैध तिकीट दाखवल्यानंतर सूट मिळेल. - मॉल, जिम, स्पा आणि ऑडिटोरियम बंद ठेवण्यात येतील. आठवडे बाजार प्रत्येक भागात एकाच ठिकाणी सुरू राहील. आठवडे बाजारात जास्त गर्दी होऊ नये यासाठी खास व्यवस्था करण्यात आलीय - सिनेमा हॉल, रेस्टॉरन्ट सुरू राहतील परंतु त्यांच्यावरही काही निर्बंध असतील. सिनेमा हॉलला क्षमतेच्या ३० टक्के उपस्थितीत सुरू ठेवता येईल. रेस्टॉरन्टमध्ये बसून खाण्याची परवानगी नाही. परंतु, होम डिलिव्हरीला मुभा देण्यात आलीय - अत्यावश्यक कामांसाठी बाहेर पडण्याची परवानगी मिळेल. परंतु, यासाठी कर्फ्यू पास असणं आवश्यक आहे - विवाह समारंभ, अंत्यसंस्कार यांसारख्या गोष्टींसाठी कर्फ्यू पास दिला जाईल. या कार्यक्रमांत निश्चित करण्यात आलेल्या संख्येनुसार उपस्थिती राहील दिल्लीत काल (बुधवारी) एकाच दिवशी १७ हजारांहून अधिक करोनाबाधित रुग्णांची नोंद करण्यात आलीय. हा आतापर्यंतचा एक रेकॉर्ड आहे. त्यानंतर आज लगेचच मुख्यमंत्र्यांनी विकेन्ड लॉकडाऊनचा निर्णय जाहीर केलाय. गेल्या २४ तासांत दिल्लीत १०४ मृत्यू नोंदविण्यात आलेत. आतापर्यंत राजधानीत ११ हजार ५४० जणांचा करोनामुळे मृत्यू झाला आहे तर ५० हजार ७३६ रुग्णांवर उपचार सुरू आहेत. दिल्लीत बेडसची कमतरता नाही. परंतु, काहींना ठराविक रुग्णालयातच दाखल होण्याची इच्छा असते आणि ते रुग्णालयातील बेडस् अगोदरच भरलेले असतात त्यामुळे समस्या समोर येत आहेत, असंही केजरीवाल यांनी नमूद केलं. दिल्लीत अद्यापही पाच हजारांहून अधिक बेडस रिकामे असल्याची माहितीही मुख्यमंत्र्यांनी दिली. गरज पडल्यास बेडसची संख्या आणखी वाढवता येऊ शकते, असंही त्यांनी सांगितलंय.

from India News in Marathi: Breaking News India in Marathi | Maharashtra Times https://ift.tt/3uR57Fx