दहा मुख्यमंत्र्यांसोबत पंतप्रधानांची बैठक, उद्धव ठाकरेही उपस्थित

नवी दिल्ली : देशात करोना संक्रमणामुळे नियंत्रणाबाहेर जाणारी परिस्थिती सावरण्यासाठी आज यांनी बैठकांचा सिलसिला सुरू केलाय. पश्चिम बंगालचा निवडणूक दौरा रद्द करून पंतप्रधान नरेंद्र मोदी आज (शुक्रवारी) अनेक महत्त्वाच्या बैठकांचं नेतृत्व करत आहेत. पंतप्रधान नरेंद्र मोदींनी शुक्रवारी सकाळी करोना संक्रमणाच्या पार्श्वभूमीवर एक बोलावली होती. या बैठकीत पंतप्रधानांनी देशातील स्थितीवर चर्चा केली. त्यानंतर नरेंद्र मोदी यांनी १० राज्यांतील मुख्यमंत्र्यांची बैठक बोलावलीय. या बैठकीनंतर ऑक्सिजन निर्मात्यांसोबत पंतप्रधान मोदींची एक बैठक आयोजित करण्यात आलीय. १० पंतप्रधान नरेंद्र मोदींसोबत या बैठकीत महाराष्ट्राचे मुख्यमंत्री , उत्तर प्रदेशचे मुख्यमंत्री योगी आदित्यनाथ, कर्नाटकचे मुख्यमंत्री बी एस येडीयुरप्पा, केरळचे मुख्यमंत्री पिनराई विजयन, छत्तीसगडचे मुख्यमंत्री भूपेश बघेल, राजस्थानचे मुख्यमंत्री अशोक गेहलोत, दिल्लीचे मुख्यमंत्री अरविंद केजरीवाल, मध्य प्रदेशचे मुख्यमंत्री शिवराज सिंह चौहान, गुजरातचे मुख्यमंत्री विजय रुपाणी, तामिळनाडूचे मुख्यमंत्री पलानीस्वामी यांचा सहभाग आहे. ऑक्सिजन पुरवठ्याचं आव्हान देशात पुरेसं ऑक्सिजन उत्पादन होत असलं तरी देशातील वेगवेगळ्या ठिकाणी वेळेत ऑक्सिजनचा पुरवठा करणं हे या घडीचं सर्वात मोठ आव्हान ठरलंय. दिल्ली, महाराष्ट्र, उत्तर प्रदेश, गुजरात, राजस्थान यांसहीत अनेक राज्यांना ऑक्सिजनची कमतरता भेडसावत आहेत. यामुळे अनेक रुग्णांना आपला प्राणही गमवावा लागतोय. गुरुवारीही पंतप्रधान नरेंद्र मोदी अनेक मंत्रालयांच्या अधिकाऱ्यांसोबत एक बैठक घेतली होती. यात त्यांनी ऑक्सिजनचा पुरवठ्यावर जोर देण्याचे निर्देश दिले होते. ऑक्सिजन पुरवठ्यात येणारे अडथळे लवकरात लवकर दूर करण्यासोबतच ब्लॅक मार्केटिंग करणाऱ्यांवर कठोर कारवाई करण्याचे निर्देशही पंतप्रधानांकडून देण्यात आले होते.

from India News in Marathi: Breaking News India in Marathi | Maharashtra Times https://ift.tt/3dGXnA8