india coronavirus : चुकीची माहिती पसरवणारे ट्वीट्स डिलिट; सरकारने म्हणाले....

नवी दिल्लीः करोनासंबंधी चुकीची माहिती देणारे अनेक ट्वीट्स ट्वीटरने अलिकडेच डिलिट केले. ट्वीटरच्या प्रवक्त्याने रविवारी ही माहिती दिली. ट्वीट्स डिलिट करण्यात आले आहेत. पण संबंधित अकाउंट्स ब्लॉक केलेले नाहीत. त्यांना मेलद्वारे कारवाईची माहिती देण्यात आली आहे. तर फेक न्यूज पसरवणाऱ्यांवर ही कारवाई केली गेली आहे. ही कारवाई सरकारवर टीका करणाऱ्यांविरोधात झालेली नाही, असं स्पष्ट करण्यात आलं आहे. काही जण ट्वीटच्या माध्यमातून फेक न्यूज पसरवत आहेत, असा आक्षेप सरकारकडून घेण्यात आला. यात मीडियानामा, काँग्रेस खासदार रेवांत रेड्डी, पश्चिम बंगालचे मंत्री मोलोय घाटक, अभिनेता विनीत कुमार सिंह आणि दोन चित्रपट निर्मात्यांचा यात समावेश आहे. यांचे ट्वीट डिलिट करण्यात आले आहेत, अशी माहिती ट्वीटरने दिली आहे. चुकीची माहिती रोखण्याला प्राधान्यः ट्वीटर करोनासंदर्भातील चुकीची माहिती हटवत आहोत. यासाठी आम्ही प्रोडक्ट, टेक्नॉलॉजी आणि ह्युमन रिव्ह्यूचा उपयोग करतोय. आणि आमचे हे प्रयत्न पुढेही सुरू राहतील. याला आम्ही प्राधान्य दिले आहे, असं ट्वीटरने स्पष्ट केलं आहे. 'अनेक हँडल्स २४ तास फक्त वाभाडे काढत असतात' करोनाच्या स्थितीवर नियंत्रण करण्याच्या सरकारच्या पद्धतीवर या अकाउंट्सवरून सतत वाभाडे काढण्यात येत आहेत. तसंच जुने फोटो आणि चुकीची माहिती देऊन अफवा आणि भीती पसरवण्याचा प्रयत्न करत आहेत. अने ट्वीटर हँडल २४ तास फक्त वाभाडे काढण्याचेच काम करत असतात. पण आम्ही ट्वीटर ती ब्लॉक करण्यास सांगितलं नाही, असं सरकारने स्पष्ट केलं.

from India News in Marathi: Breaking News India in Marathi | Maharashtra Times https://ift.tt/3xkU3T7