mns leader amit thackeray: करोनावर मात करून घरी येताच अमित ठाकरे म्हणाले...

मुंबई: मनसे अध्यक्ष राज ठाकरे यांचे पुत्र, मनसेचे नेते यांना काल शनिवारी मुंबईतील लीलावती रुग्णालयातून घरी सोडण्यात आले. अमित ठाकरे यांची चाचणी पॉझिटिव्ह आल्यानंतर त्यांना मंगळवारी, २० एप्रिल रोजी लीलावती रुग्णालयात दाखल करण्यात आले होते. आता पुढचे १४ दिवस ते घरीच क्वारंटाइन राहणार आहेत. रुग्णालयातून घरी आल्यानंतर अमित ठाकरे यांनी त्यांना शुभेच्छा देणाऱ्या सर्वांचे आभार मानले आहेत. तसेच सर्वांनी काळजी घ्यावी आणि सुरक्षित राहावे, असे आवाहनही त्यांनी केले आहे. (good wishes has positive energy says mns leader ) 'शुभेच्छांमध्ये सकारात्मक ऊर्जा असते' अमित ठाकरे यांनी ट्विट करत सर्वांचे आभार मानले आहेत. शुभेच्छांमध्ये एक सकारात्मक ऊर्जा असते, याचा अनुभव मी नुकताच घेतला आहे, असे त्यांनी म्हटले आहे. ते आपल्या ट्विटमध्ये म्हणतात, 'मी हॉस्पिटलमधून घरी परतलोय आणि माझी तब्येत चांगली आहे. दक्षता म्हणून पुढचा एक आठवडा होम क्वारंटाइन म्हणजे घरातच असेन. आपल्या सर्वांच्या शुभेच्छांबद्दल मन:पूर्वक आभार. तुम्ही सर्वांनीही काळजी घ्या आणि सुरक्षित राहा.' क्लिक करा आणि वाचा- अमित ठाकरे यांना सर्दी आणि ताप जाणवल्यानंतर त्यांनी करोना चाचणी केली. या चाचणीचा अहवाल पॉझिटिव्ह आला. त्यानंतर त्यांना २० एप्रिल रोजी लीलावती रुग्णालयात दाखल करण्यात आले. उपचारानंतर त्यांना काल रुग्णालयातून घरी सोडण्यात आले. क्लिक करा आणि वाचा- अमित ठाकरे यांना आता पुढील १४ दिवस होम क्वारंटाइन राहावे लागणार आहे. आता पुढचे १४ दिवस त्यांना डॉक्टरांनी सांगितल्यानुसार कोविडबाबतचा दिनक्रम फॉलो करावा लागणार आहे. १४ दिवसांच्या होम क्वारंटाइननंतर ते इतरांना भेटू शकणार आहेत. अमित ठाकरे यांचा करोना चाचणी अहवाल पॉझिटिव्ह आल्यानंतर घरातील इतरांनीही चाचणी करण्यात आली. मात्र सर्वांचे अहवाल निगेटिव्ह आले. क्लिक करा आणि वाचा- ठाकरे कुटुंबात याआधी मुख्यमंत्री उद्धव ठाकरे यांचे पुत्र आदित्य ठाकरे आणि पत्नी रश्मी ठाकरे यांनाही करोनाने गाठले होते.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3nlIA1i