Oxygen Crisis : रुग्णालयात उरला केवळ चार तासांचा 'ऑक्सिजन', एका ट्विटनं चित्र पालटलं

नवी दिल्ली : देशात अनेक ठिकाणी केंद्रातील भाजप आणि काही राज्यातील गैर-भाजप सरकारमध्ये विसंवाद आढळून येतोय. देशातील करोना परिस्थिती पाहता राजकारण बाजुला ठेवून सर्वांनी एकत्र येऊन काम करणं हे अत्यंत गरजेचं बनलंय. यामुळे, हजारो जणांचे प्राण वाचू शकतात. हेच दाखवून देणारी घटना दिल्लीत घडलीय. उत्तर प्रदेशातून मागवला ऑक्सिजन टँकर दिल्लीच्या गुरु तेग बहादूर रुग्णालयात ५०० रुग्णांना ऑक्सिजनची गरज असताना केवळ चार तास पुरेल एवढाच रुग्णालयाकडे उरल्याचं ट्विट आरोग्य मंत्री यांनी केलं. काही वेळातच या ट्विटला केंद्राकडूनही सकारात्मक प्रतिसाद मिळाला आणि काही वेळातच उत्तर प्रदेशच्या मोदीनगरमधून १४ टनांचा ऑक्सिजन टँकर जीटीबी रुग्णालयात दाखल झाला. त्यामुळे मोठी जीवितहानी टळली. सत्येंद्र जैन यांचं ट्विट दिल्लीचे सत्येंद्र जैन यांनी केंद्रीय मंत्री यांना तातडीनं ऑक्सिजन उपलब्ध करून देण्यासाठी त्यांनी एक पत्रं लिहिलं. जीटीबी रुग्णालयात ५०० रुग्ण कृत्रिम ऑक्सिजनद्वारे श्वास घेत आहेत. परंतु, अशावेळेस इथे पुढचे केवळ चार तास पुरेल एव्हढाच ऑक्सिजन उरलाय. त्यामुळे मोठी दुर्घटना घडू शकते, अशी भीतीही सत्येंद्र जैन यांनी आपल्या पत्रात व्यक्त केली. सत्येंद्र जैन यांनी आपल्या ट्विटमध्ये जीटीबी रुग्णालयाच्या डॉक्टरांचे तातडीचे मॅसेजचे स्क्रिनशॉटसही सोबत जोडले. या मॅसेजमध्ये रुग्णालयात आणि ऑक्सिजन सिलिंडरची मोठ्या प्रमाणात कमतरता भासत असल्याचं डॉक्टर सांगत आहेत. 'इतर राज्यांतून ऑक्सिजन मिळण्यात अडचणी' तसंच ऑक्सिजन विक्रेत्याच्या नावाचा उल्लेख करतानाच विक्रेत्यांना स्थानिक प्रशासनाकडून (जिल्हाधिकारी आणि पोलीस अधीक्षक) इतर राज्यांतून दिल्लीत आणण्याची परवानगी नाकारली जात असल्याची तक्रारही डॉक्टरांनी आपल्या मॅसेजमध्ये केली होती. विक्रेत्यांकडून ऑक्सिजनच्या पुरवठ्यासाठी कोणतंही आश्वासन मिळू शकलेलं नाही. कोणतीही दुर्घटना, हानी टाळण्यासाठी मोदीनगरच्या विक्रेत्याकडे उपलब्ध असलेल्या ऑक्सिजनचा पुरवठा तातडीन करण्याची व्यवस्था करण्यात यावी, असंही डॉक्टरांनी आपल्या मॅसेजमध्ये म्हटलं होतं. दिल्लीत अजूनही ऑक्सिजनची कमतरता त्यानंतर तातडीनं केंद्रातून सूत्रं हलली. आणि उत्तर प्रदेश पोलिसांच्या दोन जवानच्या देखरेखीत १४ टन ऑक्सिजनचा टँकर मोदीनगरमधून दिल्लीत पोहचला. यानंतरही, रुग्णालय एका सिलिंडरमधून तीन - तीन रुग्णांना ऑक्सिजन पुरवठा करत असल्याचं चित्रं समोर आलं. रुग्ण आणि रुग्णांचे नातेवाईक हतबलपणे समोर दिसत असलेली पाहण्याशिवाय काहीही करू शकत नव्हते. केंद्रीय आरोग्य मंत्रालयानं दिलेल्या माहितीनुसार, दिल्लीत ऑक्सिजन पोहचवण्याची प्रक्रिया सुरू आहे. १६ ट्रकद्वारे जवळपास २० हजार किलो ऑक्सिजन पुरवठा करण्यात येणार आहे.

from India News in Marathi: Breaking News India in Marathi | Maharashtra Times https://ift.tt/3sB3kD7