मुसळधार पावसाचा मध्य रेल्वेला फटका, मुंबईकडे येणाऱ्या 'या' गाड्या रद्द

मुंबई : गुरुवारी मुंबईत सुरू झालेला पाऊस (Mumbai Rains) थांबायचं काही नाव घेत नाहीये. याचा सगळ्यात मोठा फटका मुंबईच्या लाईफलाईन असलेल्या लोकलला झाला आहे. हार्बर आणि मध्य रेल्वे पूर्णपणे ठप्प झाल्यामुळे अनेक रेल्वे गाड्या रद्द करण्यात आल्या आहेत. मध्य रेल्वेने मुंबईत येणाऱ्या ट्रेन रद्द करण्यात आल्याने प्रवाशांचे ऐनवेळी हाल झाले आहेत. खरंतर, मुसळधार पावसामुळे महानगरातील सखल भागात पूरपरिस्थिती आला आहे. हवामान खात्यानेही (Weather Department)दिवसभर मुसळधार पावसाचा इशारा दिला आहे. त्यासोबतच समुद्रात उच्च समुद्राची भरती येणार असल्याचाही इशारा देण्यात आला आहे. दिवसभर मुसळधार पावसामुळे मुंबई लोकल ट्रेनच्या सेवेवरही परिणाम झाला असून हार्बर मार्गावरील अनेक स्थानकांमध्ये पाणी जमा झालं आहे. मात्र मध्य रेल्वेची वाहतूक अद्यापही विस्कळीत आहे. सीएसएमटी ते ठाणे आणि सीएसएमटी - वाशी या दरम्यान लोकल गाड्या सुरू नसल्याची माहिती रेल्वे प्रशासनानं दिली आहे. सायन रेल्वे स्थानक परिसरामध्येही रेल्वे ट्रॅक पाण्याखाली गेल्याचं चित्र आहे. मुंबईसह आसपासच्या शहरातही पावसाने (Mumbai Rain Update) जोरदार हजेरी लावली आहे. फोर्ट परिसर, कल्याण, भांडूप या परिसराला पावसाने अक्षरश: झोडपून काढलं आहे. ठाणे आणि रायगडमध्येही मेघगर्जनेसह मोठ्या प्रमाणात पाऊस कोसळत आहे. हवामान खात्याने दिलेल्या माहितीनुसार, मुंबई शहरात ढगांनी मोठी दाटी केली आहे. मध्य मुंबईत मुसळधार पावसाचा अंदाज आहे. दरम्यान, हवामान खात्याने रविवारीही मुंबई व आसपासच्या भागात मुसळधार पावसाचा इशारा दिला आहे. गेल्या 24 तासात महाराष्ट्रात २५३.३ मिमी पावसाची नोंद करण्यात आली आहे. गेल्या 12 वर्षात तिसऱ्यांदा जुलै महिन्यात एकाच दिवसात इतका पाऊस झाला आहे. आयएमडीच्या आकडेवारीनुसार, याआधीही मुंबईत १५ जुलै २००९ रोजी २७४.१ मिमी पाऊस पडला होता तर २ जुलै २०१९ रोजी ३७६.२ मिमी पाऊस पडला. यामुळे लोकांना समुद्रापासून दूर रहाण्याचा इशारा देखील देण्यात आला आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3znPYxZ